Shayx Zayd masjidiga ekskursiyalar tunu kun bo'lib o'tadi
Birlashgan Arab Amirliklarining asosiy diqqatga sazovor joylaridan biri Shayx Zayd masjidi ish rejimini Abu-Dabi amirligiga tashrif buyurgan mehmonlar foydasiga o'zgartirdi.
Endi Shayx Zayd masjidi kunu tun ochiq - diniy inshootda ekskursiyalar tun bo'yi bo'lib o'tadi, deb xabar beradi IslamNews Khaleej Times nashriga tayanib.
Kiritilgan yangilik to'liq kun davomida ishlaydigan, ish yuklamasi yuqori bo'lgan va odatdagi soatlarda masjidga tashrif buyurishga vaqtlari bo'lmagan insonlar uchun mo'ljallangan. Kechasi Shayx Zayd masjidiga tashrif buyurish tungi Abu-Dabining o'ziga xos muhitini va'da qiladi.
O'zbekiston musulmonlari idorasi
Matbuot xizmati
Namanganda 125 oilaga bayram quvonchi ulashildi
Mustaqilligimizning 35 yilligi shukuhi kezib yurgan shu kunlarda Namanganda ehtiyojmand va ko‘makka muhtoj oilalar holidan xabar olinmoqda.
“Mehr-saxovat” ma’rifiy tadbiri doirasida soha xodimlari shahardagi 125 ta xonadonga tashrif buyurib, ularga moddiy va ma’naviy yordam ko‘rsatdilar. “Vaqf” xayriya jamoat fondi hamda saxovatpesha yurtdoshlarimiz hamkorligida ko‘rsatilgan ushbu ko‘mak ko‘ngillarga iliqlik, yuzlarga tabassum ulashdi.
Dildan kechgan samimiy suhbatlar va ko‘tarilgan duolar yurtimizda mehr-oqibat, hamjihatlik rishtalarini yanada mustahkamladi.
O‘zbekiston musulmonlari idorasi
Matbuot xizmati
