Bugun, 19 oktyabr' kuni erta tongda O'zbekiston musulmonlari idorasi raisi, muftiy Nuriddin domla hazratlari Misr safarini yakunlab, Boku safarini boshladilar.  

Haydar Aliyev nomidagi Boku xalqaro aeroportida O'zbekiston delegatsiyasi a'zolarini Kavkaz musulmonlari idorasi raisining birinchi o'rinbosari Salmon Musayev, O'zbekistonning Ozarbayjondagi elchisi Bahrom Ashrafxonov va boshqalar kutib olishdi. 

Tashrif doirasida Muftiy hazratlari Turkiy davlatlar tashkiloti Muftiylar kengashining III-yig'ilishida nutq qiladilar va turkiy xalqlar mo'min-musulmonlari uchun muhim bo'lgan qator masalalarni muhokama etish reja qilingan.

Shuningdek, Ozarbayjonning muborak qadamjolarini ziyorat qilish, Diniy peshvolarning ikki tomonlama uchrashuvlari, mamlakatning tarixiy-madaniy merosi bilan yaqindan tanishish ham tashrif dasturidan o'rin olgan.  

Safar jarayonlari, yig'ilishda muhokama etilgan mavzular haqidagi so'nggi ma'lumotlar sayt va ijtimoiy tarmoqlarimiz orqali yoritib boriladi.

Alloh taolo muftiy hazratlarining ushbu safarlarini xayrli, mamlakatimiz va butun musulmon ummati uchun manfaatli bo'lishini nasib etsin!  

O'zbekiston musulmonlari idorasi Matbuot xizmati