Umra mobil ilovasi ishga tushdi
“Umra qo'llanmasi”da Umra safari davomida lozim bo'ladigan zarur barcha ma'lumotlar tafsilotlarigacha qisqa, sodda va lo'nda bayon etilgan.
“Umra qo'llanmasi”, “Umra duolari”, “Safarga tayyorgarlik” va “Islom tarixiga oid joylar” nomli bo'limlari mavjud.
Shuningdek, “Umra duolari” bobida muborak safarda muhim bo'lgan duolar ovozli shaklda batafsil bayon etilgan.
“Umra qo'llanmasi” bo'limida Umra ibodatiga oid barcha masalalar keltirilgan: “umra” so'zining ma'nosidan to uning amallari-yu sunnatlarigacha. Shu bilan birga, ziyorat qilish odoblari, muborak shahar va masjidlarning fazilatlari, muborak safar tartib-qoidalari kabi bir qator ruknlarda zarur ma'lumotlar taqdim etilgan.
MOBIL ILOVANI YuKLASh: https://play.google.com/store/apps/details?id=uz.devteam.hajjumrahguide
MOBIL ILOVANI YuKLASh: https://apps.apple.com/uz/app/umra-qollanmasi/id1613020749
@hajumrauz
Aholi bilan ochiq muloqot: murojaatlar yechim topmoqda
O‘zbekiston musulmonlari idorasi tomonidan aholi bilan yo‘lga qo‘yilgan ochiq va samimiy muloqot tizimi fuqarolarning murojaatlarini atroflicha o‘rganish hamda ularga tezkor yechim topishda muhim omil bo‘lmoqda.
12 avgust kuni Diniy idora raisi o‘rinbosari Zayniddin domla Eshonqulov navbatdagi fuqarolar qabulini o‘tkazib, yurtdoshlarimizning arz, taklif va murojaatlarini tingladilar. Yuzma-yuz suhbat jarayonida masjidlar holati va faoliyati, imom-xatiblar ishi, Haj va Umra ziyoratlarini tashkil etish, oilaviy munosabatlarni tartibga solish hamda moddiy yordam ko‘rsatishga oid ko‘plab masalalar chuqur tahlil qilinib, ularning aksariyati joyida ijobiy hal etildi.
Eslatib o‘tamiz, bu kabi qabullar va fuqarolar bilan muloqot tadbirlari Diniy idoraning hududiy vakilliklari hamda yurtimizdagi barcha jome masjidlarda har haftaning chorshanba kuni imom-xatiblar tomonidan o‘tkazib kelinmoqda.
O‘zbekiston musulmonlari idorasi
Matbuot xizmati
