Masjidul Haromda yangi robotlar
Makka shahridagi Masjidul Haromda mo'minlarga xizmat qilish uchun Qur'oni karimni o'quvchi va ma'ruza qiluvchi robotlar ishga tushirildi. Bu musulmonlarning asosiy ziyoratgohida sun'iy intellektdan foydalanishga qaratilgan so'nggi qadamdir. Bu haqda islam.ru ma'lum kilgan.
Robotlar shtrix-kodlar orqali ma'lumotni o'qiy oladi. Bu esa foydalanuvchilarga shaxsiy smartfonlariga kerakli xizmatlarni yuklab olish yoki ma'lumotlarga kirish uchun robotlardagi buyruqlarni bosish imkonini beradi. Endilikda, tashrif buyuruvchilar nafaqat islomiy savollarga javob olishlari, Qur'on o'qishlari, balki kundalik va juma ma'ruzalarini o'qiydigan imom va azon aytadigan muazzinlarning ismlarini ham bilib olishlari mumkin.
Ilg'or avtomashinalar Ikki Muqaddas masjid ishlari bo'yicha Bosh rais Shayx Abdurrahmon al-Sudais tomonidan ishga tushirildi. Uning qayd etishicha, bu “Smart Haram” loyihasini amalga oshirish bo'yicha keng ko'lamli strategiyaning bir qismidir.
O'zbekiston musulmonlari idorasi Matbuot xizmati
Mehr va muruvvat har bir xonadonga kirib bormoqda
Joriy yilning 16 sentyabr kuni Qashqadaryo viloyatida «Inson qadri ulug‘langan yurtda mehr va e’tibor har bir xonadonga kirib boradi» shiori ostida xayrli tadbir o‘tkazildi.
Mazkur tashabbusga Qashqadaryo viloyati hokimi o‘rinbosari Farhod Kushakov hamda O‘zbekiston musulmonlari idorasining viloyatdagi vakili, bosh imom-xatib Rahmatillo domla Usmonov boshchilik qildi.
Tadbir doirasida shahar va tuman bosh imom-xatiblari hududlardagi ijtimoiy himoyaga muhtoj, boquvchisini yo‘qotgan va bemor fuqarolarning xonadonlariga tashrif buyurdilar.
Samimiy muloqotlar davomida fuqarolarning hol-ahvoli va ehtiyojlari o‘rganilib, ularga ma’naviy dalda berildi. Xonadon egalariga bayramona kayfiyat ulashish maqsadida oziq-ovqat mahsulotlari, ehson va sovg‘a-salomlar topshirildi.
Shuningdek, imom-xatiblar yurtdoshlarimiz bilan oila mustahkamligi, o‘zaro mehr-oqibat, sabr-qanoat hamda saxovatning fazilatlari haqida diniy-ma’rifiy suhbatlar olib bordilar. Bu kabi xayriya tadbirlari jamiyatda hamjihatlik muhitini yanada mustahkamlashga, odamlar qalbida ertangi kunga ishonch uyg‘otishga xizmat qilmoqda.
O‘zbekiston musulmonlari idorasi
Qashqadaryo viloyati vakilligi
Matbuot xizmati
