Makkadagi 166 ta bino haj ziyoratchilari uchun ruxsatnoma oldi
Saudiya Arabistoni hukumati 2024 yilgi haj ziyoratiga tayyorgarlik ko'rish bilan bir qatorda haj mavsumida musulmon ziyoratchilarni joylashtirish uchun Makka shahrida 166 ta binoga litsenziya berdi.
Haj uy-joy qo'mitasi keyingi oygacha binolar uchun ko'proq arizalarni qabul qiladi. Binolarni ro'yxatga olish jarayoni besh mingtadan oshib ketishi kutilmoqda.
Shuningdek, qo'mita har bir bino egasidan ularning konstruktsiyalarini muhandislik idoralari tomonidan tasdiqlanishini va binoning talabga javob berishiga ishonch hosil qilishini so'radi.
Eslatib o'tamiz, 2023 yilda 2 millionga yaqin ziyoratchi haj ibodatini ado etgan bo'lsa, bu yil bundan ham ko'proq ziyoratchilar tashrif buyurishi taxmin qilinmoqda.
Pandemiyadan keyin vaziyat barqarorlashgani sababli Saudiya Arabistoni haj mavsumi uchun yangi qoidalarni oshkor qildi.
Saudiya Arabistonining haj vaziri Tavfiq Al-Rabiahning so'zlariga ko'ra, mamlakatlar uchun joylar birinchi kelganlar uchun band qilinadi. Shartnomani muddatidan avval tugatgan mamlakat eng yaxshi joylarni tanlashda ustunlikka ega bo'ladi.
Rasmiylar yuqori sifatli xizmatlar va muammosiz jarayonni ta'minlash uchun mamlakatlarga 2024 yilgi hajga tayyorgarlikni boshlashni taklif qildi.
Shuni ham ta'kidlash joizki, haj ibodatiga vizalar berish 2024 yilning 1 martidan boshlanib, shu yilning 29 aprel' kuni tugaydi. 2024 yilda hajga tayyorgarlik ancha osonlashadi. Onlayn ariza berish tizimi yo'lga qo'yiladi. Bu esa o'z navbatida ziyoratchilarga kerakli ma'lumotlarni yuklash va o'zlariga qulay vaqtda Hajga ro'yxatdan o'tish imkonini beradi.
HAMKOR JURNALIST, BLOGЕR VA MATBUOT KOTIBLARI QUTLANDI
Bugun O‘zbekiston musulmonlari idorasida 27 iyun – “Matbuot va ommaviy axborot vositalari xodimlari kuni” munosabati bilan ma’rifiy tadbir o‘tkazildi. Unda matbuot, televideniye, radio, internet saytlari vakillari, blogerlar ishtirok etdi. Shuningdek, Diniy idoraning hududiy vakilliklari Matbuot xizmati xodimlari Zoom dasturi orqali masofadan turib qatnashdi.
Ta’kidlash joizki, davlatimiz Rahbari matbuot va ommaviy axborot vositalari xodimlarining mashaqqatli mehnatlarini har jihatdan qo‘llab-quvvatlashlari barobarida ularga yuksak e’tibor qaratib kelayotganlari quvonarli hol albatta.
Tadbir Qur’oni karim tilovati va ezgu duolar bilan boshlandi. Shundan so‘ng O‘zbekiston musulmonlari idorasi raisining birinchi o‘rinbosari Homidjon domla Ishmatbekov jurnalistlarga Muftiy hazratlarining tabriklarini yetkazish barobarida xalqimiz manfaati, din g‘ami va Vatan taqdirini yuragidan o‘tkazib ishlaydigan ijod ahlining da’vatkor so‘zi, ibratli faoliyati tahsinga loyiq ekanini bildirib o‘tdi.
Shuningdek, O‘zbekiston musulmonlari idorasi raisi o‘rinbosari Muhammadolim domla Muhammadsiddiqov hamda O‘zbekiston Milliy teleradiokompaniyasi raisi o‘rinbosari, “O‘zbekiston 24” teleradiokanali Ijodiy birlashmasi Bosh direktori Madamin Safarov so‘zga chiqib, diniy-ma’rifiy ishlarni xalqimizga to‘laqonli yetkazishda ijod ahlining o‘rnini alohida qayd etishdi. Xususan, ommaviy axborot vositalari xodimlari bilan qilinayotgan hamkorliklar tufayli teleradio va matbuotdagi chiqishlar salmog‘i yil sayin ortib borayotganini ta’kidlashdi.
Bayram tadbiri yakunida o‘ttizdan ziyod hamkor OAV vakillariga O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining tashakkurnomalari va esdalik hadyalar taqdim etildi.
Fursatdan foydalanib Muslim.uz jamoasi barcha matbuot va ommaviy axborot vositalari xodimlarini kasb bayramlari bilan tabriklab qoladi!
FOTOLAVHALAR
O‘zbekiston musulmonlari idorasi
Matbuot xizmati
MUSLIM.UZ (http://muslim.uz/) GA OBUNA BO'LING (https://t.me/+PSOPDevNs2Va-wt7) VA ULASHING (https://telegram.me/share/url?url=https://t.me/muslimuzportal)
YouTube (https://www.youtube.com/@Muslimuzz/featured) | Instagram (https://www.instagram.com/muslimuzportali/) | Facebook (https://www.facebook.com/muslimuzportal)
#xabar #27_iyun #matbuot #axborot
