Sayt test holatida ishlamoqda!
12 Iyul, 2025   |   17 Muharram, 1447

Toshkent shahri
Tong
03:19
Quyosh
05:01
Peshin
12:34
Asr
17:41
Shom
20:01
Xufton
21:34
Bismillah
12 Iyul, 2025, 17 Muharram, 1447

Taksi haydovchisi million dirhami bor hamyonni egasiga qaytardi

08.08.2022   2201   1 min.
Taksi haydovchisi million dirhami bor hamyonni egasiga qaytardi

Dubay yo'llar va transport boshqarmasi halolligi va axloqiy xulq-atvori uchun uch nafar xodim – ikki taksi haydovchisi va inspektorni mukofotladi.
Avtoturargoh inspektori Obid Miftah Abdulloh fidoyilik va o'z vazifalarini vijdonan bajargani uchun taqdirlandi. Dubay taksi korporatsiyasi xodimi Nensi Orgo yo'lovchi qoldirgan 1 million dirhami bor hamyonni qaytarib berdi, deb xabar bermoqda islam.ru.
Huquqni muhofaza qilish idoralari xodimlari yo'qolgan pul yoki qimmatbaho narsalarni topshirgan halol fuqarolarni muntazam ravishda rag'batlantiradilar. Bunday holatlar o'nlab uchrab turadi, deb xabar beradi Khaleej Times.

O'zbekiston musulmonlari idorasi matbuot xizmati

Dunyo yangiliklari
Boshqa maqolalar

Yangi kun qachondan boshlanadi?

09.07.2025   4961   1 min.
Yangi kun qachondan boshlanadi?

Savol: Islomda yangi kun qaysi soatdan boshlab kiradi? Masalan, shartli qabul qilingan tartib bo‘yicha soat 00:00 yangi kunning boshlanishi sanaladi? Islomda yangi kunning boshlanishi va tugashi qaysi vaqtdan e’tiborga olinadi? 

Javob: Bismillahir Rohmanir Rohiym. Dinimizga ko‘ra, kun shom vaqtidan boshlanadi va keyingi shomgacha davom etadi. Boshqacha qilib aytganda, islomda kun kecha bilan boshlanadi va uning ertasida kun botib, kunduz tugaganida, o‘sha kun ham yakunlanadi. Bunga oyat va hadislardan ko‘plab dalillar bor.
Faqat ayrim ahkomlarda kunning boshlanishi bomdod namozining vaqti kirishi (subhi sodiq)dan boshlanadi va kun keyingi bomdod vaqtigacha davom etadi. Masalan, Hajda Arafot vodiysida turishda hukm shunday.

Shuningdek, ayrim hollarda “kun” tushunchasi yuqoridagidek, 24 soatdan iborat (sutka) ma’nosida emas, balki tunga muqobil – qarama-qarshi ma’noda qo‘llanilishi ham mumkin. Bu holda kun boshlanishi bomdod vaqtidan to quyosh botgunigacha bo‘lgan muddat, ya’ni kunduzdan iborat bo‘ladi. Bunga misol uchun “bir kun ro‘za tutish” deganda aynan shu muddat nazarda tutiladi.

Xulosa qilib aytganda, dinimizdagi umumiy qoidaga ko‘ra, kunning boshlanishi kun botganidan boshlanib, keyingi kun botishigacha davom etadi. Ayrim istisno qilingan holatlarda kunning qachon boshlanib, qachon tugashi dindagi hukmlarga qarab farq qiladi. Vallohu a’lam.

O‘zbekiston musulmonlari idorasi
Fatvo markazi.