Muftiy hazratlarining abituriyentlar uchun tashkil etilgan ovozli chatdagi suhbatlari (to'liq audio)
Bugun, Muftiy hazratlari abituriyentlar uchun ovozli chatda dastlab, diniy ta'lim muassasalarida kirish imtihonlariga qanday tayyorgarlik ko'rilgani, xolislik, shaffoflik va adolatni ta'minlash uchun qilingan ishlar haqida ma'lumot berdilar.
Marafonda Muftiy hazratlari o'zlarining o'qishga kirish jarayonlari, talabalik yillari va boshga tushgan sinovlar borasida ham to'xtaldilar.
Bo'lg'usi talabalarga ilm olishning fazilati, Islom dinida ilm talab qiluvchilarga berilgan xushxabarlar haqida oyat va hadislarni bayon etdilar.
Cuhbatda abituriyentlar hayajonni engishi uchun nima qilishi, natija o'zlari kutgandek bo'lmasa o'zini qanday tutishi haqida nasihatlar qildilar.
Farzandini turli qing'irliklar bilan o'qishga olib kirmoqchi bo'lgan ota-onalarga murojaat qildilar va bu nojoiz yo'llardan qaytardilar.
Muloqot so'nggida abituriyentlar haqlariga duo qildilar.
O'zbekiston musulmonlari idorasi Matbuot xizmati
O‘zbekiston musulmonlari idorasida navbatdagi “Fuqarolar qabuli” bo‘lib o‘tdi
Har haftaning chorshanba kuni O‘zbekiston musulmonlari idorasida an’anaviy tarzda tashkil etiladigan fuqarolar qabuli bu safar ham aholi vakillarining murojaatlarini o‘rganish, muammolarga yechim topishga qaratildi.
Joriy haftadagi qabulda O‘zbekiston musulmonlari idorasi raisi o‘rinbosari Muhammadolim domla Muhammadsiddiqov poytaxtimizdan hamda yurtimizning turli shahar va tumanlaridan tashrif buyurgan fuqarolarning shaxsiy va jamoaviy masalalari, taklif va mulohazalarini tingladi.
- - Aholi vakillari tomonidan turli masalalar bo‘yicha shar’iy hukmlar, ularning amaliy tatbiqlari yuzasidan savollar berildi;
- - Nikoh, oilaviy munosabatlar, farzand tarbiyasi kabi mavzulardagi murojaatlar ko‘rib chiqildi;
- - Ayrim ehtiyojmand fuqarolar tomonidan tushgan moddiy ko‘mak so‘rovlari tegishli tartibda ko‘rib chiqilishi belgilandi;
- - Sohani yanada rivojlantirish, masjidlarni obod qilish, yoshlar o‘rtasida ilmiy-ma’rifiy targ‘ibotlarni kuchaytirish kabi bir qator konstruktiv takliflar bildirildi.
Qabul yakunida mas’ullarga aniq topshiriqlar berilib, fuqarolar murojaatlarini tezkor va adolatli hal etish bo‘yicha choralar belgilandi. Shu bilan birga, fuqarolar bilan bevosita muloqot qilish, ularning fikrlarini eshitish va islohotlarga jamoatchilikni faol jalb etish borasidagi ishlar doimiy e’tiborda ekani ta’kidlandi.
O‘zbekiston musulmonlari idorasi
Matbuot xizmati
