Bugun, Muftiy hazratlari abituriyentlar uchun ovozli chatda dastlab, diniy ta'lim muassasalarida kirish imtihonlariga qanday tayyorgarlik ko'rilgani, xolislik, shaffoflik va adolatni ta'minlash uchun qilingan ishlar haqida ma'lumot berdilar.
Marafonda Muftiy hazratlari o'zlarining o'qishga kirish jarayonlari, talabalik yillari va boshga tushgan sinovlar borasida ham to'xtaldilar.
Bo'lg'usi talabalarga ilm olishning fazilati, Islom dinida ilm talab qiluvchilarga berilgan xushxabarlar haqida oyat va hadislarni bayon etdilar.
Cuhbatda abituriyentlar hayajonni engishi uchun nima qilishi, natija o'zlari kutgandek bo'lmasa o'zini qanday tutishi haqida nasihatlar qildilar.
Farzandini turli qing'irliklar bilan o'qishga olib kirmoqchi bo'lgan ota-onalarga murojaat qildilar va bu nojoiz yo'llardan qaytardilar.
Muloqot so'nggida abituriyentlar haqlariga duo qildilar.
O'zbekiston musulmonlari idorasi Matbuot xizmati
Xabaringiz bor, O‘zbekiston musulmonlari idorasi, muftiy Shayx Nuriddin Xoliqnazar hazratlarining tashabbuslari bilan imom-xatiblar va imom noiblari uchun qiroat darslari yo‘lga qo‘yilgan edi.
Shu munosabat bilan joriy yil 15 dekabr kuni Farg‘ona, Jizzax va Qashqadaryo viloyatlarida qiroat darslarining ilk mashg‘ulotlari bo‘lib o‘tdi.
"Qur’on va tajvidni o‘rgatish" va Masjidlar bilan ishlash bo‘limlari hamkorligida tashkil etilgan ushbu darslarda Abdulloh qori Haydarov Jizzax viloyatida, Abdusamad qori Mamasoliyev Qashqadaryo viloyatida va Abdulbosit qori Eshqobilov Farg‘ona viloyatida amaliy mashg‘ulotlarni olib bormoqda.
O‘zbekiston musulmonlari idorasi
Matbuot xizmati