Sayt test holatida ishlamoqda!
25 Iyul, 2025   |   30 Muharram, 1447

Toshkent shahri
Tong
03:35
Quyosh
05:12
Peshin
12:35
Asr
17:36
Shom
19:51
Xufton
21:20
Bismillah
25 Iyul, 2025, 30 Muharram, 1447

Islom ilm dinidir

01.08.2022   1397   1 min.
Islom ilm dinidir

Islom dini hech qachon ilm olishga to'g'anoq bo'lmagan. Yevropada yaqin vaqtlargacha cherkov ilm yo'liga g'ov bo'lib keldi, minglab olimlar olovda kuydirildi, evropaliklar buni hali unutishgani yo'q. Nima sababdan cherkovlar ilmga qattiq qarshilik qildi? Chunki hukmronlik to'laligicha cherkovda edi, ilm ularning yolg'onlarini fosh etardi. Cherkov katta boylikdan ajralib qolmaslik uchun olimlarga tazyiq o'tkazardi. Masalan, Kopernik, Galiley, Eynshteyn, Maks Plank kabi buyuk olimlar aynan cherkov mahkamasida sud qilindi.

Kopernik 1543 yil Yer o'z o'qi atrofida 24 soatda bir marta, Quyosh atrofida yilda bir marta aylanib chiqishini, Quyosh koinot markazi ekanini kashf qilgan edi. Katoliklar bu kashfiyotdan dahshatga tushdi, chunki nasroniylarning xurofotlari chippakka chiqayotgan edi. Cherkov Kopernikni dindan chiqqanlikda ayblab, kitoblariga o't qo'ydi, o'zini sudga tortib qatl etdi. 1481 – 1499 yillarda 90 023 nafar olim mahkamaga tortilib, cherkov ularning kitoblarini o'qishni ta'qiqlab, yoqib yuborishga buyruq berdi. Shu tariqa 8 000 ta qo'lyozma kitob yoqib yuborildi.

Doktor Rog'ib Sarjoniyning
“Islom va olam” kitobidan.

Maqolalar
Boshqa maqolalar

Hazrati inson bo‘ling!..

22.07.2025   5940   2 min.
Hazrati inson bo‘ling!..

Mashina yo‘liga chiqib ketgan odamni ko‘rib haydovchi zo‘rg‘a to‘xtatib qoldi. Undan ham oldin yonidagi do‘sti tushasolib yo‘lovchining yoqasidan oldi. Uzr so‘rab dovdirayotgan odamni ko‘rib, haydovchi tez tushdi-da, do‘stidan uning yoqasini qo‘yib yuborishini so‘radi.


– Bu nima deganing?! Sal bo‘lmasa qamalib ketarding-ku buni deb, – yanada jahli chiqdi do‘stining.


– Sen uni qo‘yib yuboraver, gap bor... Bo‘ldi, aka, hushyor bo‘lib yetib oling... Yo‘q, shoshmang...


Haydovchi hatto u odamning qo‘liga pul ham berdi. Do‘stini hayron qoldirib, mashinaga qaytdi.


Do‘stining savol nazari bilan qarab turganini ko‘rib, izoh bera boshladi:

– Bir soatcha oldin dorixonaga kirgandim. Shu odamga ko‘zim tushgandi. Qo‘lida dorilar ro‘yxati yozilgan qog‘oz, puli yetmaganidan mung‘ayib turgan edi. Dorilar narxini eshitib, og‘ir qadamlar bilan chiqib ketgandi. Ortidan chiqib yordam bergim keldi. Lekin pulimni qizg‘ondim. Tashqariga chiqqanimda u onasi bilan gaplashib turgan ekan. Haligi odam onasi bilan gaplashib bo‘lgach: “Shuncha pulni qayerdan topaman? Yo Alloh! O‘zing yo‘l ko‘rsat, deganini eshitib ham indamay ketaverdim. Go‘yo unga pul bersam o‘zim och qoladiganday... Holbuki, Alloh taolo O‘z Kalomida: “Shayton sizlarni (xayr-ehson qilishda) kambag‘al bo‘lib qolishdan qo‘rqitadi(Baqara surasi, 268-oyat) deya ogohlantirganini bilardim. Yana “Kimki (bir) hasana (savobli ish) qilsa, unga o‘n barobar (ko‘paytirib yozilur)” (An’om surasi, 160-oyat) degan va’dasini ham o‘qigandim. Baribir xomlik qildim. Sal bo‘lmasa o‘sha xasislik qilgan pulimdan o‘n, yuz hissasi chiqib ketadigan bir musibatga duchor bo‘lardim. Mayli, hechdan ko‘ra kech bo‘lsa ham, Alloh imkon berdi. Shuning uchun ayb u odamdamas, o‘zimda, deb bildim...


Ha, azizlar! Hayotimizda bunday holatlarga duch kelib turamiz. Avvalo, birov bilan tushunmovchilik bo‘lib qolsa u odamning ahvolini so‘raylik. Balki biror musibat yo tashvishda yurgandir. Darhol tilimizga kelgan so‘zlar bilan xaqorat qilib, urishib ketmaylik. Bunaqa vaziyatlarda shayton vasvasa qilishini unutmaylik. Xulosa qilishga shoshilmaylik. Hazrati inson degan nomga munosib ish tutaylik.


Akbarshoh Rasulov