Dubayda ilk Metaolam yig'ilishi o'tkaziladi
Metaolamga bag'ishlangan ilk yirik tadbir 2022 yil sentyabr' oyida Dubayda o'tkaziladi. Unda raqamli olamning yangi maydonlarning imkoniyatini muhokama qilishga 300 dan ortiq soha mutaxassisi jamlanishi kutilmoqda. Bu haqda valiahd shahzoda va Dubay ijroiya kengashi raisi Shayx Hamdan bin Muhammad al-Maktum ma'lum qildi, deya xabar beradi The National.
Tadbir 28-29 sentyabr' kunlari “Kelajak muzeyi” va “Emirates Towers” majmuasi maydonida o'tkazilishi reja qilingan. Unda siyosatchi va mutaxassislardan tashqari 40 dan ortiq ixtisoslashgan tashkilotlar qatnashadi hamda 100 dan ortiq mahorat darsi o'tkaziladi.
Shayx Hamdan Metaolamni BAA va butun dunyodagi odamlar hayot sifatini yaxshilash uchun foydalaniladigan istiqbolli raqamli dunyo va texnologiya deb atadi. Valiahd Shahzoda Dubay kelajak texnologiyalarini joriy etish bo'yicha jahonda etakchi bo'lishga intilayotganini ta'kidladi.
Ushbu tadbirda metaolamni real dunyoga, jumladan, turizm, logistika, chakana savdo, ta'lim va sog'liqni saqlash sohalariga yanada kirib borishga qaratilgan hisobot, strategiya va harakatlar rejalari taqdim etiladi.
Shayx Hamdan bin Muhammad al-Maktum ta'kidlashicha, Dubay metaolam yangi dasturini amalga oshirish doirasida yaqin besh yil ichida Dubayda 40 mingta virtual ish o'rni yaratiladi.
Dubay hududida metaolam texnologiyalarini rivojlantirish bilan shug'ullanadigan kompaniyalar soni besh yil ichida besh baravar ko'paytiriladi – birdan besh minggacha. Shayx Hamdan metaolamni keyingi yigirma yil ichida odamlar hayotining barcha jabhalarini o'zgartiradigan yangi inqilob deb atadi.
Ma'lumot uchun, metaolam — virtual haqiqat, ijtimoiy tarmoqlar va boshqa raqamli texnologiyalarni birlashtirgan Internetning kelajakdagi versiyasining nomi.
O'MI Halqaro aloqalar bo'limi
O‘zbekiston turistik kompaniyalari Ar-Riyozdagi xalqaro ko‘rgazmada ishtirok etdi
Saudiya Arabistoni poytaxtida “WTM Spotlight Riyadh 2026” xalqaro turistik ko‘rgazmasi bo‘lib o‘tdi. Unda O‘zbekiston turizm industriyasi vakillari ishtirok etdi, deb xabar bermoqda “Dunyo” AA.
Mamlakatimiz turistik salohiyatini «Asialuxe Travel», «Zamin DMC» va «Bazar Travel» kompaniyalari namoyish etdi. Ular ko‘rgazmaning ishbilarmonlik dasturida faol ishtirok etib, Saudiya Arabistoni hamda boshqa xorijiy davlatlar turizm sohasi vakillari bilan bir qator samarali uchrashuvlar o‘tkazdilar.
“WTM Spotlight Riyadh” Saudiya Arabistoni turizm bozorining xalqaro hamkorlar bilan o‘zaro aloqalari uchun asosiy professional maydonlardan biriga aylandi. Ko‘rgazma turoperatorlik biznesi, qabul qiluvchi kompaniyalar, mehmonxona sektori, aviatsiya tarmog‘i, turistik texnologiyalar va industriyaning boshqa yo‘nalishlari vakillarini birlashtirdi. Tadbirda mintaqaviy va xalqaro tashrif buyuruvchilar, 450 dan ortiq eksponentlar hamda 30 dan ortiq mamlakat vakillari qatnashdi.
Uch kun davomida o‘zbekistonlik kompaniyalar vakillari saudiyalik turoperatorlar, turistik agentliklar va bozorning boshqa ishtirokchilari bilan muzokaralar o‘tkazdilar. Muloqotlarda sheriklik dasturlarini rivojlantirish, Saudiya Arabistonidan O‘zbekistonga sayyohlar oqimini oshirish hamda yangi qo‘shma turistik mahsulotlarni shakllantirish imkoniyatlari muhokama qilindi.
O‘zbekistonni madaniy-ma’rifiy, oilaviy, premium va individual turizm uchun jozibador yo‘nalish sifatida targ‘ib qilishga alohida e’tibor qaratildi. Saudiyalik hamkorlarga Samarqand, Buxoro, Xiva, Toshkent va mamlakatimizning boshqa hududlarining turistik imkoniyatlari, Buyuk ipak yo‘lining tarixiy merosi, zamonaviy mehmonxona infratuzilmasi, milliy taomlar hamda individual va guruhli turistik dasturlarni tashkil etish imkoniyatlari namoyish etildi.
O‘zbekiston turizm tarmog‘i vakillari, shuningdek, saudiyalik hamkorlar bilan sayyohlarni kutib olishni tashkil etish, Ko‘rfaz mamlakatlaridan keluvchi sayohatchilarning afzalliklarini hisobga olgan holda ixtisoslashtirilgan yo‘nalishlarni ishlab chiqish hamda Saudiya Arabistoni bozorida O‘zbekistonning turistik salohiyatini yanada targ‘ib qilish masalalarini muhokama qildilar.
O‘zbek turistik kompaniyalarining “WTM Spotlight Riyadh 2026” ko‘rgazmasidagi ishtiroki podshohlik turistik biznesi vakillari bilan bevosita aloqalarni kengaytirish va hamkorlikning yangi yo‘nalishlarini izlash uchun qo‘shimcha imkoniyat bo‘ldi.
O‘zbekiston musulmonlari idorasi Matbuot xizmati
