Ulamolarning peshinga Samarqanddagi masjidlarga tashrif rejasi
✅ Bugun, 26 iyul' kuni O'zbekiston musulmonlari idorasi raisi, muftiy Nuriddin domla hazratlari boshchiligidagi bir guruh taniqli ulamolar peshin namoziga Samarqand viloyatining Urgut tumanidagi masjidlarga tashrif buyurib, hudud mo'min-musulmonlariga ilmiy-ma'rifiy suhbatlar o'tkazishlari reja qilingan.
? Ulamolarimiz bugun peshin namoziga Urgut tumanidagi quyidagi masjidlarga borishlari ko'zda tutilgan:
? “Urgut markaziy” masjidiga O'zbekiston musulmonlari idorasi raisi, muftiy Nuriddin domla hazratlari;
? “Shayx Muhiddin ” masjidiga O'zbekiston musulmonlari idorasining Toshkent shahar vakili o'rinbosari Abduqahhor domla Yunusov;
? “G'ovsul A'zam” jomesiga Toshkent shahar “Shayx Muhammad Sodiq Muhammad Yusuf” masjidi imom-xatibi Ismoil domla Muhammad Sodiq;
? “Beshkapa 1” jomesiga Toshkent shahar “Baland” masjidi imom-xatibi A'zamjon domla Ergashev;
? “Bog'ishamol” jomesiga Toshkent shahar “Imom Termiziy” masjidi imom-xatibi Isoqjon domla Begmatov;
? “Beshkapa-2” jomesiga Toshkent shahar “Islomobod” masjidi imom-xatibi Abdulloh domla Yuldoshev;
? "Mulla Bobomurod" jomesiga Toshkent shahar “To'xtaboy” masjidi imom-xatibi Zokirjon domla Sharifov;
? “G'ishtli” jomesiga Toshkent shahar “Dorul omon” masjidi imom-xatibi Abdulhamid Jumanov;
? “Bahrin” jomesiga Toshkent shahar “Ko'kcha Oqtepa” masjidi imom-xatibi Abdulloh G'ulomov;
? “G'oyib ota” jomesiga Toshkent shahar “Ali ibn Abu Tolib” masjidi imom-xatibi Fazliddin Allayorov;
? “G'uzni mahalla” jomesiga Toshkent shahar “Yakkasaroy” masjidi imom-xatibi Salohiddin domla Tashanov;
? “Domla Qurbon” jomesiga Toshkent shahar “Usmon bin Ma'zun” masjidi imom-xatibi O'tkir domla Hakimov;
? “Yoqub Oxun” jomesiga Toshkent shahar “Beshqayrag'och” masjidi imom-xatibi Bilol qori domla ibn Sultonmurod;
? “Imom Hasan mahalla” jomesiga Toshkent shahar “Koh ota buzruk” masjidi imom-xatibi Abduhakim domla Pirnazarov;
? “Ipakli” jomesiga Toshkent viloyati “Abu Bakr Siddiq” masjidi imom-xatibi Nurali domla Mavlonov.
? Alloh taolo ulamolarimizning tashriflarini xayrli va manfaatli qilsin!
O'zbekiston musulmonlari idorasi Matbuot xizmati
Muslim.uz
@muslimuzportal | @mp3muslim | @diniysavollar
#ULAMOLARNING_TAShRIFI #SAMARQAND
Matbuot – jamiyat ko‘zgusi
Ommaviy axborot vositasi – jamiyat ko‘zgusi, millatning yuzi. Uning zimmasida keng jamoatchilikni fikrlashga chorlash, tarbiyalash, dunyoqarashni boyitishdek mas’uliyat turadi.
Keyingi yillarda mamlakatimizda huquqiy demokratik davlat va fuqarolik jamiyati barpo etishning muhim sharti bo‘lgan ommaviy axborot vositalarini rivojlantirish, ularning moddiy-texnik bazasi va kadrlar salohiyatini mustahkamlash, so‘z va matbuot erkinligini ta’minlash, soha vakillarini har jihatdan qo‘llab-quvvatlashga bo‘yicha keng ko‘lamli ishlar amalga oshirilmoqda.
Shu munosabat bilan bugun O‘zbekiston xalqaro islomshunoslik akademiyasida "Matbuot – jamiyat ko‘zgusi" mavzusida davra suhbati bo‘lib o‘tdi.
Mazkur tadbir 27 iyun – Matbuot va ommaviy axborot vositalari xodimlari kuni munosabati bilan tashkil etildi. Unda O‘zbekiston xalqaro islomshunoslik akademiyasi rektori Muzaffar Komilov, OAV vakillari, Akademiya o‘qituvchi va xodimlari ishtirok etdi.
So‘zga chiqqanlar so‘nggi yillarda yurtimizda so‘z erkinligiga bo‘lgan e’tibor yangi darajaga ko‘tarilganini qayd etishdi. OAV demokratik qadriyatlarni qaror toptirish, dunyoda va mamlakatimizda sodir bo‘layotgan ijtimoiy-siyosiy jarayonlar, voqea-hodisalar haqida tezkor va haqqoniy ma’lumotlar yetkazish, Yangi O‘zbekistonning demokratik qiyofasini shakllantirishda muhim rol o‘ynayotganini ta’kidlashdi.
Darhaqiqat, davlatimiz rahbari soha vakillarining mehnatini doimo e’tirof etar ekanlar, shunday fikrlarni bildirgan edilar:
"Biz bugun huquqiy demokratik davlat qurayotgan ekanmiz, jurnalistikaning butun dunyoda e’tirof etilgan, o‘zgarmas talab va mezonlariga amal qilishimiz zarur. Bu mezonlarning eng asosiysi – xolislik va haqqoniylikdir. Binobarin, matbuot maydoniga kirgan inson – u jurnalist bo‘ladimi, bloger bo‘ladimi, bundan qat’i nazar – ana shu qoidalarga amal qilishi shart".
Uchrashuv davomida "Yangi O‘zbekiston" va "Pravda Vostoka" gazetalari bosh muharriri Salim Doniyorov, "Jadid" gazetasi bosh muharriri Iqboljon Mirzaaliyev, Adliya vaziri maslahatchisi, bloger Shahnoza Soatova hamda "Ziyo" media markazi direktori Abduhamid Muxtorov so‘zga chiqib, o‘z fikr-mulohazalarini bildirdilar.
Shundan so‘ng yurtimizda diniy-ma’rifiy sohada amalga oshirilayotgan keng ko‘lamli islohotlar hamda yosh avlodning barkamol voyaga yetishi, xalqaro standartlar asosida ta’lim olishi, ilm-fan, kasb-hunar cho‘qqilarini egallashi hamda xalqimiz ma’naviy-ma’rifiy yuksalishi borasidagi yangilanishlarni keng jamoatchilikka samarali yetkazishda Akademiya bilan faol hamkorlik qilib kelgan bir guruh OAV xodimlarni bayram munosabati bilan taqdirlash marosimi o‘tkazildi.
Bir guruh jurnalistlarga tashakkurnoma va esdalik sovg‘alari topshirildi.
O‘zbekiston xalqaro islomshunoslik akademiyasi
Matbuot xizmati
