Hushxabar: “Sahihi Termiziy: tanlangan hadislar” nomli kitob nashr etildi
Kuni kecha uzoq yillar diniy sohada mazmunli xizmat qilgan marhum shayx Abdulg'ani domla Abdulloh Abu Iso Termiziyning shoh asari – «Sahihi Termiziy»ning asl nusxasidan tanlab olingan hadislar to'plami tarjimasi nashrdan chiqdi.
Kitobda matnlarni arab va o'zbek tilida berilishi o'quvchiga hadislarni yanada chuqur o'rganishga imkon yaratadi.
Kitobxonlar ushbu mo''tabar tarjimadan dinimiz arkonlariga oid hadislar va o'nlab sahobalar va ayrim tobeinlar haqidagi foydali ma'lumotlarni oladi, inshaalloh.
Alloh taolo ushbu kitobni yurtimiz mo'min-musulmonlariga manfaatli qilsin!
Marhum shayx Abdulg'ani domla Abdullohning ruhlarini shod, oxiratlarini obod aylasin!
O'zbekiston musulmonlari idorasi Matbuot xizmati
Muslim.uz
@muslimuzportal | @mp3muslim | @diniysavollar
Bayram shukuhi Jizzaxda ham davom etmoqda
O‘zbekiston Respublikasi davlat mustaqilligining 35 yilligi arafasida “Vaqf” xayriya jamoat fondining Jizzax viloyati filiali tomonidan xayriya tadbiri tashkil etildi.
Viloyatning turli hududlaridan bo‘lgan boquvchisini yo‘qotgan 35 nafar bolaning xatna to‘yi qilib berildi.
Tadbirda bolajonlarga velosiped, kostyum-shim va ko‘ylaklar, shirinliklar qutisi sovg‘a qilinib, bayram dasturxoni yozildi.
Bolajonlarga qo‘shilib, ularning yaqinlari ham quvonchdan tashakkur aytib, tashkilotchilar, Yurtboshimiz haqlariga duolar qilishdi.
Shuningdek, tadbir doirasida ijtimoiy himoyaga muhtoj, boquvchisini yo‘qotgan hamda kam ta’minlangan oilalar farzandlariga e’tibor va g‘amxo‘rlik ko‘rsatilib, ularga ham hadyalar ulashildi.
Bunday ezgu tashabbuslar jamiyatda o‘zaro mehr-oqibat, saxovat va hamjihatlik muhitini mustahkamlash, yosh avlod qalbida Vatanga muhabbat va insonparvarlik tuyg‘ularini yuksaltirishga xizmat qiladi.
O‘zbekiston musulmonlari idorasi
Matbuot xizmati
