O'zbekiston – Indoneziya OAVlari nigohida
Indoneziyaning «iNews» mashhur ommaviy axborot vositalari saytida O'zbekistondagi ziyorat turizmining imkoniyatlari haqida turkum maqolalar e'lon qilindi", deb xabar bermoqda «Dunyo» axborot agentligi.
Habar qilinishicha, “Halqaro ziyorat turizmi haftaligi” 2022 yilning noyabr' oyida o'tkaziladi.
Tadbir Markaziy Osiyo mamlakatidagi diniy turistik diqqatga sazovor joylarni ko'rishga sayyohlarni jalb qilishga qaratilgan.
“Maqsad mamlakatimizdagi mavjud ziyorat turizmi salohiyatidan yanada unumli foydalanish hisoblanadi“, - O'zbekiston elchixonasi xodimi so'zlaridan iqtibos keltiradi nashr.
O'zbekiston jahon tsivilizatsiyasining eng muhim markazlaridan biri ekanligi alohida ta'kidlanadi. Shuning uchun Halqaro ziyorat turizm haftaligining faoliyati jahon hamjamiyati, xalqaro tashkilotlar tomonidan yuqori e'tirofga sazovor bo'lish, shuningdek, ziyorat turizmi xizmatlarini diversifikatsiya qilish va turistik oqimni oshirishga mo'ljallangan.
Halqaro ziyorat turizmi haftaligi turli tadbirlar, jumladan, O'zbekistonda chop etilgan taniqli olimlarning diniy kitoblari, qadimiy Qur'on ko'rgazmalari hamda qiziqarli esdalik sovg'alari bilan to'la bo'ladi. Halqaro haftalikda, masalan, Samarqandda xalqaro haftalikning rasmiy ochilishi, "O'zbekiston Islom merosi" konferentsiyasi, kuy va xalq qo'shiqlari festivali tadbirlarini har yili tashkil etish ham ko'zda tutilgan.
Buxoroda "Mir Arab madrasasi bitiruvchilari" forumi, "Zamonaviy Islom me'morchiligi" va "Islom xattotligi va dekorativ dizayn" ko'rgazmalari, "Islom iqtisodiyoti" mavzusida davra suhbati, milliy liboslar ko'rgazmasi, "Halol turizm" anjumani, "Halol taomlar" festivali o'tkaziladi", seminarlar, ilmiy-madaniy konferentsiyalar va ma'rifiy tadbirlar o'tkaziladi, deb yozmoqda «iNews».
O'zbekiston musulmonlari idorasi Matbuot xizmati
Banklar va mikromoliya tashkilotlari o‘z faoliyatini islomiy bank faoliyatiga o‘zgartirishi mumkin
Adliya vazirligi Mikromoliya tashkiloti va bank faoliyatini o‘zgartirish tartibi to‘g‘risidagi nizomga o‘zgartirish va qo‘shimchalarni davlat ro‘yxatidan o‘tkazdi (ro‘yxat raqami 3656-1, 01.08.2026 y.), xabar bermoqda huquqiyaxborot Telegram kanali.
Mazkur idoraviy hujjat "O‘zbekiston Respublikasining ayrim qonun hujjatlariga O‘zbekistonda islomiy bank faoliyatini joriy etishga qaratilgan qo‘shimcha va o‘zgartirishlar kiritish to‘g‘risida" 2026 yil 27 martdagi O‘RQ–1126-son Qonunga muvofiq ayrim kredit tashkilotlari faoliyatini o‘zgartirishning quyidagi tartib-taomillarini belgilaydi:
- mikromoliya tashkilotini faqat islomiy bank faoliyatini amalga oshiruvchi mikromoliya bankiga o‘zgartirish;
- faqat islomiy bank faoliyatini amalga oshiruvchi mikromoliya bankini faqat islomiy bank faoliyatini amalga oshiruvchi bankka o‘zgartirish;
- faqat islomiy bank faoliyatini amalga oshiruvchi bankni faqat islomiy bank faoliyatini amalga oshiruvchi mikromoliya bankiga o‘zgartirish;
- faqat islomiy bank faoliyatini amalga oshiruvchi mikromoliya bankini mikromoliya tashkilotiga o‘zgartirish;
- bankni faqat islomiy bank faoliyatini amalga oshiruvchi bankka o‘zgartirish.
Shuningdek, o‘z faoliyatini faqat islomiy bank faoliyatini amalga oshiruvchi bankka o‘zgartirishga faqat islomiy bank faoliyatini amalga oshiruvchi mikromoliya banki haqli.
Mikromoliya bankini davlat ro‘yxatidan o‘tkazish va bank faoliyatiga doir tegishli litsenziya (litsenziyalar) olish uchun nogironligi bo‘lgan shaxslar uchun mikromoliya banki binolarida shaharsozlik normalari va qoidalarida belgilangan talablarga muvofiq qulay shart-sharoitlar yaratilganligi bo‘yicha Qurilish va uy-joy kommunal xo‘jaligi sohasida nazorat qilish inspeksiyasining xulosasi mavjud bo‘lishi kerak.
Tashabbus Fors ko‘rfazi mamlakatlaridan investitsiyalarni jalb qilishga qaratilgan bo‘lib, dastlabki hisob-kitoblarga ko‘ra, ushbu chora-tadbirlarni amalga oshirish iqtisodiyotga depozitlar va to‘g‘ridan to‘g‘ri investitsiyalar ko‘rinishida taxminan 1 milliard dollar jalb qilishi mumkin. Mutaxassislarning prognozlariga ko‘ra, 2035 yilga borib O‘zbekiston ushbu tizim ishga tushirilgandan beri dunyoda islom moliyasining eng tez o‘sishini namoyish etadi.
O‘zbekiston musulmonlari idorasi Matbuot xizmati
