Sayt test holatida ishlamoqda!
05 Iyul, 2025   |   10 Muharram, 1447
search icon
Avvalgi sayt
ЎЗ РУ EN AR

Toshkent shahri
Tong
03:12
Quyosh
04:56
Peshin
12:33
Asr
17:42
Shom
20:03
Xufton
21:39
Bismillah
05 Iyul, 2025, 10 Muharram, 1447
Avvalgi sayt
#search
 YouTube

Malayziya Islom san'ati muzeyining o'zbek kollektsiyasi haqida kitob al'bomi tayyorlanmoqda

02.07.2022   984   1 min.
Malayziya Islom san'ati muzeyining o'zbek kollektsiyasi haqida kitob al'bomi tayyorlanmoqda

O'zbekiston elchixonasi O'zbekiston madaniy merosini o'rganish, asrash va ommalashtirish bo'yicha Butunjahon jamiyati boshqaruvi raisi Firdavs Abduxoliqov va Malayziya Islom san'ati muzeyi bosh kuratori Heba Nael' Barakat o'rtasida onlayn muzokaralar tashkil etildi, deb xabar bermoqda «Dunyo» axborot agentligi.
Muloqot chog'ida Islom tsivilizatsiyasining boy madaniyati, san'ati va hujjatli merosini xalqaro miqyosda ommalashtirish bo'yicha qo'shma loyihalarni amalga oshirish masalalari muhokama qilindi.
Tomonlar o'rtasida kollektsion nashrlar almashinuvi yo'lga qo'yildi. Shu nuqtai nazardan, muzeyda saqlanayotgan Amir Temur hayoti va ijodi haqida ko'chirilgan nashrlarning maxsus ko'rgazmasi, Sharifiddin Ali Yazdiyning "Zafarnoma" kitobi miniatyuralarining faksimillari va O'zbekiston madaniy merosiga bag'ishlangan xalqaro media-forum tashkil etish rejalari muhokama qilindi.
Malayziya tomoni Markaziy Osiyo bilan bog'liq va Malayziyada saqlanayotgan qo'lyozma Qur'on bitiklari "Dunyoning 114 ta buyuk Qur'oni" loyihasida ishtirok etishga hamda Imom Al-Buxoriy hayoti va merosi haqida badiiy va hujjatli fil'mlar yaratish bo'yicha qo'shma loyihani ishlab chiqishga tayyorligini bildirdi.
Malayziya muzeyi fondida saqlanayotgan O'zbekiston moddiy va badiiy madaniyati buyumlari va ashyolarini inventarizatsiya qilish bo'yicha qo'shma loyihani amalga oshirishning borishi alohida muhokama qilindi.
Natijada "Malayziya Islom san'ati muzeyi kollektsiyalarida O'zbekistonning madaniy merosi" maxsus kitob-al'bomini nashr etish va uni 22-24 iyul' kunlari bo'lib o'tadigan O'zbekiston madaniy merosini o'rganish, asrash va ommalashtirish bo'yicha Butunjahon jamiyatining VI Kongressi doirasida taqdim etish to'g'risida kelishuvga erishildi.


O'zbekiston musulmonlari idorasi matbuot xizmati

Dunyo yangiliklari
Boshqa maqolalar
Maqolalar

“Profilingiz” sizni uyaltirib qo‘ymasin!

04.07.2025   2605   1 min.
“Profilingiz” sizni uyaltirib qo‘ymasin!

- Avvalo, ijtimoiy tarmoqlarga kirishdan maqsadingiz shunchaki vaqt o‘tkazish, ermak emas, balki boshqalarga manfaat ulashish, ulardan manfaat olish, ilmni oshirish, yaxshilikka chorlab, yomonlikdan qaytarish;

- Fahsh, harom, boshqalarga tegishli rasm va videolarini tarqatish tiyilish;

- Dinni, ulamolarni, shaxslarni, xalqlarni kamsitadigan, obro‘ to‘kishga qaratilgan maqola, rasm va videolarni post qilib qo‘ymang;

- Foydasiz tortishuvlarga kirishmang;

- Mish-mish aytuvchi, tarqatuvchi bo‘lmang! Ma’lumotlarni tarqatishdan oldin tekshirib, aniqlashtiring;

- Postlaringiz bilan odamlarga ilm-ma’rifat, yaxshilik ulashishga intiling va bu ishlarning barchasini Alloh taoloning roziligi uchun qiling;

- Yozayotgan, yuborayotgan, ulashayotgan har bir so‘zingiz oxiratda sizning zararingizga emas, foydangizga guvohlik beradigan so‘z bo‘lishiga diqqat qiling;

- Ijtimoiy tarmoqlardan me’yorida foydalaning! Ibodatni ado etish, oilaning nafaqasi, silai rahm, qo‘shniga yaxshilik qilish kabi zimmangizdagi mas’uliyatlaringizni unutib qo‘ymang;

- Postlarga “yoqdi” tugmasidan bosishdan oldin bu ish iymoningizga futur yetkazadimi yoki yo‘qmi, aniqlab oling! Gunoh bo‘lgan postlarga “yoqdi” tugmasini bosish iymonga salbiy ta’sir etadi;

- Ijtimoiy tarmoqlardagi sahifalaringizni oxiratda Alloh taoloning huzurida, Payg‘ambarimiz sollallohu alayhi vasallamning oldilarida xijolat bo‘lib qolmaydigan tarzda yuriting!

Norin tumani “Abu Iso at-Termiziy” jome masjidi

imom-xatibi Maxmudov Yosinxon.

Manba: @SOFTALIMOTLAR

MAQOLA
#logo