Sayt test holatida ishlamoqda!
12 Iyul, 2026   |   27 Muharram, 1448
search icon
Avvalgi sayt
ЎЗ РУ EN AR

Toshkent shahri
Tong
03:18
Quyosh
05:00
Peshin
12:29
Asr
17:41
Shom
20:01
Xufton
21:38
Bismillah
12 Iyul, 2026, 27 Muharram, 1448
Avvalgi sayt
#search
 YouTube

Qurbon hayitini nishonlash to'g'risida

01.07.2022   1353   2 min.
Qurbon hayitini nishonlash to'g'risida

O'zbekiston Respublikasi Prezidentining qarori

Halqimizning qadimiy va betakror bayramlaridan biri bo'lgan muborak Qurbon hayitining mazmun-mohiyatida mujassam bo'lgan insonparvarlik, ezgulik, shukronalik va mehr-oqibat singari an'ana va qadriyatlarni asrab-avaylash hamda keng targ'ib etish, ushbu ulug' bayramni mamlakatimizda munosib nishonlash maqsadida:

1. Joriy yilda Qurbon hayitining birinchi kuni 9 iyul' – shanba kuniga to'g'ri kelishi to'g'risida O'zbekiston musulmonlari idorasi Ulamolar kengashi tomonidan qabul qilingan qarorni inobatga olib, mamlakatimizda 2022 yil 9 iyul' kuni Qurbon hayiti bayrami sifatida keng nishonlansin.

O'zbekiston Respublikasi Prezidentining 2021 yil 20 dekabrdagi “2022 yilda rasmiy sanalarni nishonlash davrida qo'shimcha ishlanmaydigan kunlarni belgilash va dam olish kunlarini ko'chirish to'g'risida”gi PF–35-son Farmoni bilan 2022 yil 11-12 iyul' kunlari dam olish kunlari  sifatida belgilanganligi ma'lumot uchun qabul qilinsin.

2. Qoraqalpog'iston Respublikasi Vazirlar Kengashi, viloyatlar va Toshkent shahar hokimliklari Din ishlari bo'yicha qo'mita, Mahalla va nuroniylarni qo'llab-quvvatlash vazirligi hamda jamoat tashkilotlari bilan hamkorlikda Qurbon hayiti xalqimizning milliy va diniy an'analariga mos ravishda o'tkazilishi uchun tegishli chora-tadbirlarni amalga oshirsin.

3. Turizm va madaniy meros vazirligi Transport vazirligi bilan birgalikda yurtdoshlarimiz uchun Qurbon hayiti kunlarida mo''tabar yodgorlik va qadamjolarga ziyoratlarni tashkil etish maqsadida qulay sharoit va imkoniyatlar yaratsin.

4. O'zbekiston Milliy teleradiokompaniyasi, O'zbekiston Milliy axborot agentligi va boshqa ommaviy axborot vositalariga Qurbon hayitini nishonlash bilan bog'liq tadbirlarni keng yoritish tavsiya etilsin.

5. O'zbekiston Respublikasi Prezidentining ayrim qarorlari ilovaga muvofiq o'z kuchini yo'qotgan deb hisoblansin.

6. Mazkur qarorning ijrosini nazorat qilish O'zbekiston Respublikasining Bosh vaziri A.N. Aripov va O'zbekiston Respublikasi Prezidentining maslahatchisi M.M. Kamilov zimmasiga yuklansin.

 

O'zbekiston Respublikasi 

         Prezidenti                                                                                                     Sh.MIRZIYoYeV

 

Toshkent shahri,

2022 yil 1 iyul'

O'zbekiston yangiliklari
Boshqa maqolalar
Yangiliklar

"Ko‘kaldosh" bilim yurti ustozlari Turkiyada malaka oshirmoqda

10.07.2026   9153   1 min.

Turkiyaning nufuzli Qorabuk (Karabük) universitetida ilmiy-amaliy malaka oshirish kurslarida ishtirok etayotgan «Ko‘kaldosh» o‘rta maxsus islom bilim yurti mudarrislari uchun belgilangan dastur asosida seminar va uchrashuvlar tizimli davom etmoqda.


Dastlab yurtimiz vakillari universitet tarixi, ta’lim tizimi va ilmiy faoliyati bilan yaqindan tanishdilar. So‘ng universitet Ilohiyot fakulteti dekani, doktor Abdujabbor Kavak ishtirokida ilmiy-amaliy seminar tashkil etildi. Unda ta’lim dargohining ilmiy salohiyati va xalqaro hamkorlik yo‘nalishlari haqida atroflicha ma’lumot berildi.


Yurtimizdagi diniy ta’lim islohotlari taqdimot qilindi


Dastur doirasida O‘zbekistondagi diniy ta’lim tizimidagi ijobiy o‘zgarishlar «Ko‘kaldosh» bilim yurti misolida xorijlik hamkorlarga taqdim etildi:

  • Ahror domla Abdullayev (bilim yurti mudarrisi) arab tilida ma’ruza qilib, yurtimizdagi diniy-ma’rifiy sohada amaliyotga tadbiq etilayotgan islohotlar mazmun-mohiyatini ochib berdi;

  • Aliakbar domla Abdullayev esa o‘quv jarayonlarini tashkil etish, ta’lim sifatini nazorat qilish va ilmiy-amaliy faoliyatni yo‘lga qo‘yish bo‘yicha mazmunli taqdimot o‘tkazdi.

Tajriba almashinuv: Hafta davomida Qorabuk universiteti professor-o‘qituvchilari bilan zamonaviy pedagogik yondashuvlarni joriy etish yuzasidan fikr almashildi. Shuningdek, vakillarimiz Turkiyadagi mashhur «Imom-xatib» litseylari faoliyati va ularning ilg‘or tajribalarini joylarga chiqqan holda o‘rgandilar.

Safar yakunida universitet rahbariyati bilan rasmiy uchrashuv bo‘lib o‘tdi. Muloqotda ikki ta’lim muassasasi o‘rtasida o‘zaro tajriba almashishni bardavom qilish, qo‘shma ilmiy loyihalarni amalga oshirish va istiqboldagi hamkorlik rejalari kelishib olindi.

"Ko‘kaldosh" o‘rta maxsus islom bilim yurti
Matbuot xizmati

O'zbekiston yangiliklari
#logo