Sayt test holatida ishlamoqda!
19 Avgust, 2026   |   6 Rabi`ul avval, 1448
search icon
Avvalgi sayt
ЎЗ РУ EN AR

Toshkent shahri
Tong
04:09
Quyosh
05:36
Peshin
12:27
Asr
17:16
Shom
19:21
Xufton
20:43
Bismillah
19 Avgust, 2026, 6 Rabi`ul avval, 1448
Avvalgi sayt
#search
 YouTube

Ibrohim domla Inomov Volgograd muftiysi bilan uchrashdi

30.06.2022   4830   1 min.
Ibrohim domla Inomov Volgograd muftiysi bilan uchrashdi

O'zbekiston delegatsiyasi vakillari Voljskiy shahridagi Volgograd viloyati Markaziy musulmonlar diniy idorasi huzuridagi Payg'ambar Muhammad sollallohu alayhi va sallam nomidagi ma'naviyat va madaniyat markaziga tashrif buyurdi. Bu haqda Islam.ru xabar berdi. Ushbu delegatsiya tarkibida O'zbekiston musulmonlari idorasi raisining o'rinbosari Ibrohim domla Inomov bor edi.

Mamlakatimiz delegatsiyasi vakillarini Volgograd viloyati muftiysi Bata Kifah Muhammad va Volgograd viloyati muftiysi birinchi o'rinbosari Surlan Abubakarov kutib oldi.

O'zbekiston musulmonlari idorasi raisi o'rinbosari Ibrohim domla Inomov O'zbekiston muftiysi Nuriddin domla Holiqnazarovning tabrigini etkazdi, Volgograd viloyati muftiysiga 2020 yilda pandemiya davrida yuzaga kelgan og'ir vaziyatda o'zbek xalqiga g'amxo'rlik qilgani uchun minnatdorchilik bildirdi.

Eslatib o'tamiz, Voljskiy shahridagi Payg'ambar Muhammad sollallohu alayhi va salam nomidagi ma'naviyat va madaniyat markazi 2020 yilda Voljskiyga ommaviy ravishda Rossiya temir yo'llarining Voljskiy – Toshkent maxsus reyslarida vataniga qaytishni istagan minglab o'zbekistonliklarni qabul qilgan edi.

O'zbekiston musulmonlari idorasi vakili Abdulloh hazratga esdalik sovg'a topshirdi, Volgograd muftiysi ham o'z navbatida Ibrohim domla Inomov va Ho'jabahlil Fazlitdinovichga Imom Buxoriyning kitoblarini sovg'a qilib, O'zbekistonning Islom madaniyatiga qo'shgan hissasini e'tirof etdi.

Tashrif davomida Ibrohim domla jome masjidlarda qavmga ma'ruza qildi.

O'zbekiston musulmonlari idorasi Matbuot xizmati

Dunyo yangiliklari
Boshqa maqolalar
Yangiliklar

«Qur’on tinchlikka buyuradi»

18.08.2026   12811   1 min.
«Qur’on tinchlikka buyuradi»

O‘zbekiston davlat mustaqilligining 35 yilligi munosabati bilan «Qur’on tinchlikka buyuradi» shiori ostida Samarqand shahridagi "Obi Rahmat" jome masjidida Qur’on musobaqasi tashkil etildi. Qur’oni karimga bo‘lgan muhabbatni yuksaltirish, qiroat va tajvid ilmlarini keng targ‘ib etish hamda jamiyatda tinchlik va osoyishtalik g‘oyalarini mustahkamlashga xizmat qiluvchi ushbu xayrli tadbirning saralash bosqichlaridan o‘tgan ishtirokchilar «Hifz» va «Mujavvid» yo‘nalishlari bo‘yicha bellashdi.
 

G‘olib va sovrindorlar:
 

«Hifz» yo‘nalishi:
1-o‘rin: Asqar Tursunov (Samarqand shahri, «Muhammadamin ota» masjidi imom-noibi);
2-o‘rin: Abduvakil Olimov (Urgut tumani, «G‘avsul A’zam» masjidi imom-xatibi);
3-o‘rin: Shavkat Mahmudov (Narpay tumani, «So‘fi Ziyrak» masjidi imom-xatibi).
 

«Mujavvid» yo‘nalishi:
1-o‘rin: Zikrullo Matlabov (Samarqand shahri, «Xo‘ja Abdu Darun» masjidi imom-noibi);
2-o‘rin: Burxoniddin Tursunov (Nurobod tumani, «Jom ota» masjidi imom-xatibi);
3-o‘rin: Isomiddin Isayev (Paxtachi tumani, «Xo‘ja Ziyovuddin» masjidi imom-xatibi).
 

Qo‘shimcha nominatsiyalar:
«Eng ta’sirchan tilovat»: O‘tkir Abdullayev (Pastdarg‘om tumani);
«Eng go‘zal tilovat»: Sardorxon Sobirov (Samarqand tumani);
«Tajvid qoidalariga eng mukammal rioya qilgan ishtirokchi»: Yusufxon Nizomov (Samarqand shahri).

Tadbir yakunida g‘oliblarga O‘zbekiston musulmonlari idorasi viloyat vakilligining diplomlari va «Vaqf» fondi filiali tomonidan qimmatbaho sovg‘alar topshirildi.

O‘zbekiston musulmonlari idorasi
Matbuot xizmati

«Qur’on tinchlikka buyuradi» «Qur’on tinchlikka buyuradi» «Qur’on tinchlikka buyuradi» «Qur’on tinchlikka buyuradi»
Yangiliklar
#logo