Misrda "30 xalqaro Qur'oni Karim musobaqasi" o'tkaziladi
Misr Avqof vaziri Muhammad Muxtor Juma «30 xalqaro Qur'oni Karim musobaqasi»ning to'rt hakami nomini e'lon qildi. Bu haqda Al-Fajr nashri xabar berdi.
Ushbu musobaqa 2023 yil 23 dekabr' kuni Dorul-Qur'onda, Misrning Ulug' masjidida va Islom madaniyat markazida o'tkaziladi. Mazkur musobaqada O'zbekiston nomidan Mir Arab o'rta maxsus Islom bilim yurti talabasi Mirabbos qori Mirboboyev qatnashadi.
Musobaqani quyidagi hakamlar baholab borishadi:
- Tag'iuddin Mustafo Abdul Bosit at-Tamimiy – falastinlik olim, Sudan Fanlar universitetida tilshunoslik va falsafa fanlari nomzodi, Falastin texnika universiteti dotsenti.
- Iordaniyalik Tavfiq Ibrohim Ahmad Zamra – Pokiston Islom universiteti doktori, Qur'oni Karim xalqaro tanlovi hakamlar hay'ati a'zosi
- Abkar Veller Madu – Sudandagi Omdurman universitetida arab va islomshunoslik fanlari doktori, Halqaro Qur'on musobaqasi hakamlar qo'mitasi a'zosi.
- Senegallik shayx Ahmad Al-Sag'ir Ambi – Dakar Islom instituti bosh kotibi, arab ta'limi bo'yicha inspektor va xalqaro Qur'on musobaqalarining hay'at a'zosi.
Musobaqa g'oliblarini qimmatbaho sovg'alar va esdalik hadyalar kutmoqda.
HAMKOR JURNALIST, BLOGЕR VA MATBUOT KOTIBLARI QUTLANDI
Bugun O‘zbekiston musulmonlari idorasida 27 iyun – “Matbuot va ommaviy axborot vositalari xodimlari kuni” munosabati bilan ma’rifiy tadbir o‘tkazildi. Unda matbuot, televideniye, radio, internet saytlari vakillari, blogerlar ishtirok etdi. Shuningdek, Diniy idoraning hududiy vakilliklari Matbuot xizmati xodimlari Zoom dasturi orqali masofadan turib qatnashdi.
Ta’kidlash joizki, davlatimiz Rahbari matbuot va ommaviy axborot vositalari xodimlarining mashaqqatli mehnatlarini har jihatdan qo‘llab-quvvatlashlari barobarida ularga yuksak e’tibor qaratib kelayotganlari quvonarli hol albatta.
Tadbir Qur’oni karim tilovati va ezgu duolar bilan boshlandi. Shundan so‘ng O‘zbekiston musulmonlari idorasi raisining birinchi o‘rinbosari Homidjon domla Ishmatbekov jurnalistlarga Muftiy hazratlarining tabriklarini yetkazish barobarida xalqimiz manfaati, din g‘ami va Vatan taqdirini yuragidan o‘tkazib ishlaydigan ijod ahlining da’vatkor so‘zi, ibratli faoliyati tahsinga loyiq ekanini bildirib o‘tdi.
Shuningdek, O‘zbekiston musulmonlari idorasi raisi o‘rinbosari Muhammadolim domla Muhammadsiddiqov hamda O‘zbekiston Milliy teleradiokompaniyasi raisi o‘rinbosari, “O‘zbekiston 24” teleradiokanali Ijodiy birlashmasi Bosh direktori Madamin Safarov so‘zga chiqib, diniy-ma’rifiy ishlarni xalqimizga to‘laqonli yetkazishda ijod ahlining o‘rnini alohida qayd etishdi. Xususan, ommaviy axborot vositalari xodimlari bilan qilinayotgan hamkorliklar tufayli teleradio va matbuotdagi chiqishlar salmog‘i yil sayin ortib borayotganini ta’kidlashdi.
Bayram tadbiri yakunida o‘ttizdan ziyod hamkor OAV vakillariga O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining tashakkurnomalari va esdalik hadyalar taqdim etildi.
Fursatdan foydalanib Muslim.uz jamoasi barcha matbuot va ommaviy axborot vositalari xodimlarini kasb bayramlari bilan tabriklab qoladi!
FOTOLAVHALAR
O‘zbekiston musulmonlari idorasi
Matbuot xizmati
MUSLIM.UZ (http://muslim.uz/) GA OBUNA BO'LING (https://t.me/+PSOPDevNs2Va-wt7) VA ULASHING (https://telegram.me/share/url?url=https://t.me/muslimuzportal)
YouTube (https://www.youtube.com/@Muslimuzz/featured) | Instagram (https://www.instagram.com/muslimuzportali/) | Facebook (https://www.facebook.com/muslimuzportal)
#xabar #27_iyun #matbuot #axborot
