Farg'ona viloyatidan Haj amallarini ado etish uchun muqaddas Harami sharifga tashrif buyurgan ziyoratchilar ayni vaqtda "Abroj al-Hidoya" mehmonxonasida istiqomat qilmoqdalar.
Ziyoratchilarimiz hozirgacha umra ibodatini amalga oshirib, kunlik ibodatlarini Harami sharifda ado etmoqdalar. Qolaversa, malakali guruh rahbarlari, imom-xatiblar ishtirokida ma'rifiy uchrashuvlar tashkil etilib, unda Haj amallarini ado etish tartibi haqida tushunchalar berilmoqda.
Shuningdek, ziyoratchilar uchun uch mahal — nonushta, tushlik va kechki ovqatlar tashkil etilgan.
— Men bu muqaddas joylarga kelishni intizorlik bilan kutdim. Hozir haj amallari boshlanishini ham intiqlik bilan kutyapman. Bu ibodat bandani Robbisiga yaqinlashtiradigan, sabr va toqatdan ta'lim beradigan, bir so'z bilan aytganda insonni ham ruhan, ham jismonan chiriqtiradigan amaldir. Bu erda kerak bo'lsa har qadamimiz, har so'zimiz bilan imtihon qilinamiz. Ilohim, ushbu amallarni osonlik ado qilishimizni nasib qilsin. Alloh bizga oson qilsin, — deydi Hikmatxon Abdullayeva.
Biz ham butun dunyo musulmonlari qatori bu yil Haj ibodatini ado etishga taraddud ko'rayotgan barcha yurtdoshlarimizning ibodatlari qabul, duolari ijobat bo'lishini tilaymiz!
Rahmatulloh Jalilov,
Saudiya Arabistoni, Makka shahridan
O'zbekiston musulmonlari idorasi Matbuot xizmati
Alhamdulillah, biz mo‘min-musulmonlar Payg‘ambarimiz sollallohu alayhi va sallamga salavot aytishga buyurilganmiz. Agar bir marta salavot aytsak, bizga Alloh o‘n marta rahmat yo‘llaydi, o‘nta gunohimiz o‘chiriladi, martabamiz o‘n daraja ortadi.
Rasululloh sollallohu alayhi vasallam aytganlar: “Kim menga bir marta salavot aytsa, Alloh unga o‘n marta rahmat yo‘llaydi. Uning o‘nta gunohi o‘chiriladi, martabasi o‘n daraja ko‘tariladi” (Imom Ahmad rivoyati). Manbalarda qisqa salavot sifatida quyidagi salavot beriladi:
اَللَّهُمَّ صل وَسَلِّمْ عَلَى نَبِيِّنَا مُحَمَّد
Allóhumma solli vasallim alá nabiyyiná Muhammad
Ma’nosi: “Ey, Alloh! Payg‘ambarimiz Muhammad alayhissalomga rahmat va salom yo‘llagin!”
Ruhiddin Akbarov,
O‘zbekiston musulmonlari idorasi
Qashqadaryo viloyat vakilligi xodimi