Diniy idora tizimidagi OAV xodimlari munosib taqdirlandi
Bugun O'zbekiston musulmonlari idorasida 27 iyun' – “Matbuot va ommaviy axborot vositalari xodimlari kuni” ga bag'ishlangan tadbir o'tkazildi. Unda O'zbekiston musulmonlari idorasi raisi birinchi o'rinbosari Homidjon domla Ishmatbekov, Diniy idora bo'limlarining mudir va xodimlari, “Shamsuddinxon Boboxonov” nashriyot matbaa ijodiy uyi vakillari ishtirok etdi.
Tadbirda Homidjon domla Ishmatbekov so'z olib, Diniy idora tizimidagi matbuot xizmati va nashriyot xodimlarini 27 iyun' – “Matbuot va ommaviy axborot vositalari xodimlari kuni” bayrami bilan muborakbod etib, bunday dedi:
– Biz yashayotgan axborot asrida bu soha xodimlarining faoliyati nihoyatda muhim ahamiyat kasb etmoqda. Chunki bugungi tekzorlik zamonida ma'lum yangilik bir zumda dunyo bo'ylab yoyilmoqda.
Qolaversa, keyingi yillarda jurnalistikaning zamonaviy tarmoqlari taboro kengayib borayotirki, bu butun ommani o'ziga qamrab olmoqda. OAV o'rtasida raqobat ham kuni sayin ortib borayotir.
Mazkur axborot makonida diniy-ma'rifiy jurnalistika yo'nalishida ham katta o'zgarishlar bo'lib, diniy bilimi etuk kadrlariga ehtiyoj sezilmoqda.
Shu bois bu yo'nalish e'tiborimiz markazida va uning yuqori bosqichlarga ko'tarilishiga xayrihohmiz.
Homidjon domla Ishmatbekov so'zi yakunida Diniy idoraning Matbuot va Axborot tahlil bo'limi hamda “Shamsuddinxon Boboxonov” nashriyot matbaa ijodiy uyi jamoasiga “Tashakkurnoma”larni taqdim etib, kasb bayrami bilan ijodiy jamoani muborakbod etdi.
Tadbir davomida Diniy idora tizimida ommaviy axborot vositalariga daxldor bo'lgan xodimlarni bayram munosabati bilan munosib rag'batlantirish ma'lum qilindi.
Bunday tadbirlar O'zbekiston musulmonlari idorasining hududlardagi vakilliklari, diniy ta'lim muassasalarida ham tashkil etilib, fidoyi va joykuyar soha xodimlariga e'tirom ko'rsatildi.
O'zbekiston musulmonlari idorasi Matbuot xizmati
Rossiyadagi minglab vatandoshlar bilan ma’rifiy uchrashuvlar o‘tkazildi
Yurtimiz diniy soha vakillarining xorijda, xususan, Rossiya Federatsiyasida mehnat qilayotgan vatandoshlarimiz bilan uchrashuvlari, ularning ijtimoiy-ma’naviy hayotidan xabar olish va diniy ehtiyojlarini qondirish borasidagi xayrli ishlari tizimli ravishda davom ettirilmoqda.
Safar dasturi doirasida Leningrad viloyati Kingisepp tumanida joylashgan "RENCONS Heavy Industries" kompaniyasida faoliyat yuritayotgan mingga yaqin vatandosh ishchi-xodimlar bilan birgalikda muborak juma namozi ado etildi. Namozdan so‘ng hamyurtlarimiz bilan samimiy suhbat qurilib, ularga musofirchilik odobi, halol mehnat va Vatan sog‘inchi haqida go‘zal mav’izalar qilindi.
Shuningdek, ishchi guruhning Kaliningrad shahriga tashrifi ham sermazmun uchrashuvlarga boy bo‘ldi. Jumladan:
-
Shahardagi mahalliy «Nur» musulmonlar diniy tashkilotida peshin namozidan so‘ng vatandoshlar bilan uchrashuv tashkil etildi;
-
Muhtasham «Ehson» jome masjidida shom namozi ado etilib, yig‘ilgan hamyurtlarimiz ishtirokida navbatdagi ma’rifiy suhbat o‘tkazildi. Unda musofir yurtda iymon-e’tiqod va milliy qadriyatlarni asrash, yot g‘oyalardan yiroq bo‘lish zarurligi alohida ta’kidlandi.
Shu bilan birga, Sankt-Peterburg shahrida turli sohalarda mehnat qilayotgan vatandoshlarimiz bilan ham bir nechta manzillarda yuzma-yuz uchrashuvlar uyushtirildi. Uchrashuvlar davomida hamyurtlarimizni qiziqtirgan shar’iy savollarga batafsil javoblar berilib, ularning haqqiga, yurtimiz tinchligi va osoyishtaligini so‘rab xayrli duolar qilindi.
Bu kabi jonli uchrashuvlar vatandoshlarimizga ulkan ma’naviy quvvat baxsh etmoqda.
O‘zbekiston musulmonlari idorasi
Matbuot xizmati
