Bugun, 25 iyun' kuni O'zbekiston xalqaro islom akademiyasida “Matbuot va ommaviy axborot vositalari xodimlari kuni”ga bag'ishlab tadbir o'tkazildi. Unda Prezident maslahatchisi, O'zbekiston xalqaro islom akademiyasi rektori Muzaffar Komilov, O'zbekiston Jurnalistlari ijodiy uyushmasi raisi Olimjon O'sarov, jurnalistlar, Akademiya o'qituvchi va xodimlari qatnashdi.

Tadbirni Prezident maslahatchisi, O'zbekiston xalqaro islom akademiyasi rektori Muzaffar Komilov kirish so'zi bilan ochib, O'zbekistonda jurnalistlarning bayrami alohida sanada bayram tarzida keng nishonlanishi, ushbu soha vakillariga Prezidentimiz har yili bayram tabrigi yo'llashi, Vatanimizning yangi taraqqiyot bosqichida barcha jabhalar qatori diniy-ma'rifiy sohada ham ulkan o'zgarish va islohotlar bo'layotgani, buni yurtimiz va butun dunyo aholisiga etkazishda jurnalistlarning xizmati beqiyos ekani, ular bilan hamkorlik qilish katta sharaf bag'ishlashini ta'kidlab, ushbu bayram bilan barcha ommaviy axborot vositalari xodimlarini tabrikladi.

Shundan so'ng O'zbekiston Jurnalistlari ijodiy uyushmasi raisi Olimjon O'sarov so'zga chiqib, tashkilotchilarga OAVlari nomidan taklif va tabrik uchun minnatdorchilik bildirdi. So'ng Prezidentimiz sanoqli soha vakillari qatori ommaviy axborot vositari vakillarini ham kasb bayrami bilan tabriklashi ushbu sohaning jamiyatimizdagi nufuzi va o'rnini ko'rsatishini qayd etdi.

Tadbir davomida matbuot, teleradio, internet va tashkilotlar Mabuot xizmatlari jurnalistlari, xususan, O'zbekiston musulmonlari idorasi Matbuot xizmati xodimlariga “Tashakkurnoma” va esdalik sovg'alari topshirildi.

Taqdirlash marosimidan so'ng OAVlari vakillari ham so'zga chiqib, e'tibor va ehtirom uchun minnatdorchilik bildirildi.

O'zbekiston musulmonlari idorasi Matbuot xizmati