Shu kunlarda minglab hojilarimiz muborak haj safarida bo'lib, uning muhim arkonlarini ado etish arafasidalar. Ayni damda ular umra amallarini bajarib, Baytullohda tavofu ibodatlar bilan bandlar.

Shunisi e'tiborga molikki, hojilarimizning ziyoratlarini munosib o'tkazish maqsadida guruh rahbarlari tomonidan ko'plab sa'y-harakatlar qilinmoqda. Hususan, bugun hojilarimiz istiqomat qilayotgan mehmonxonada imom-xatiblardan iborat guruh rahbarlari o'z guruhidagi yurtdoshlarimizga haj arkonlari, fazilati, ruknlari va odoblari, hojilik maqomiga munosib bo'lish, Mino, Arofat, Muzdalifada harakatlanish va u erda bajariladigan amallar fazilati haqida suhbatlar tashkil etilmokda. Shu orqali ziyoratchilarimiz haj amaliga ruhiy va ma'naviy tayyorgarlik ko'rib, hajlari mukammal bo'lishiga zamin hozirlamoqda.

Alloh taolo yurtdoshlarimizning safarlarini muborak, ibodatu duolarini ijobat, hajlarini mabrur aylasin!

O'zbekiston musulmonlari idorasi Matbuot xizmati