2022 yili Sirdaryo viloyatidan 350 nafar hamyurtimiz muborak Haj ziyoratiga yuborilishi rejalashtirilgan, xabar bermoqda O'zA.
Ma'lum bo'lishicha, Saudiya Arabistonining Madina va Makka shaharlarida ziyoratchilar uchun barcha zamonaviy qulayliklar muhayyo etilgan.
– Shunday qutlug' kunlarga etganimizga shukr, - deydi Sardoba tumanidan Izzat Sattorov. – Turmush o'rtog'im bilan muborak Haj ziyoratiga otlanyapmiz. Buning quvonchini, qalbimizdagi shukronalikni so'z bilan ta'riflash qiyin. Yurtimizdagi xayru barakaga, dorilomon kunlarga ko'z tegmasin, deya duoga qo'l ochamiz.

O'zbekiston musulmonlari idorasi matbuot xizmati