Illinoys shtatida joylashgan Nagamiya xalqaro islom tibbiyoti va fanlari institutining muzey kutubxonasida “Qadimiy Qur'on va Qur'on qo'lyozmalarining nodir kollektsiyasi” ochilishi e'lon qilindi.

Ma'lumotlarga ko'ra, ko'pgina eksponatlarning yoshi 600 yildan oshgan. Ulardan ba'zilari Qo'shma Shtatlardagi Qur'onning eng qadimgi tarixiy nusxalaridir.

Ushbu to'plamda Qur'onning 100 ga yaqin nusxalari va Qur'on qo'lyozmalari mavjud bo'lib, ularning barchasi qo'lda yozilgan, ba'zilari bambuk, palma barglari va teriga yozilgan. Chikagodagi kutubxona mamlakatda birinchi bo'lib bunday xazinaga ega bo'ldi, deyiladi islam.ru xabarida.