Toshkent islom institutida “Qabul – 2022” boshlandi
Toshkent islom institutida 2022-2023 o'quv yili uchun qabul hay'ati o'z ishini boshladi.
Toshkent islom institutiga 2022-2023 o'quv yili uchun qabul:
Kunduzgi ta'lim uchun 2022 yilning 20 iyundan 20 iyulgacha (shu kuni 18:00gacha);
Modul' ta'lim tizimi uchun 2022 yilning 15 iyulidan 30 iyuligacha (shu kuni 18:00gacha) offlayn tarzda amalga oshiriladi.
2022-2023 o'quv yili kunduzgi ta'lim shakli qabuli uchun zarur hujjatlar:
Rektor nomiga ariza;
pasport yoki ID karta nusxasi (asli ko'rsatiladi);
o'rta maxsus islom ta'lim muassasasi (madrasa)ni tamomlagani to'g'risidagi hujjat (diplom) asl nusxasi;
3,5 x 4,5 hajmdagi 6 dona rangli fotosurat (elektron shaklda, so'nggi uch oyda olingan va orqa foni oq rangda bo'lishi talab etiladi);
Hujjatlarni joylashtirish uchun skorosshivatel' va konvert.
Tanlov ishtirokchilari uchun:
O'MI tomonidan o'tkazilgan “Yagona olimpiada” tanlovi diplomi (tanlovda 1, 2 va 3-o'rinni egallagan ishtirokchilar uchun).
Kunduzgi ta'lim shakli uchun hujjat topshirgan abituriyentlar quyidagi fanlar bo'yicha qabul imtihonlarini topshiradilar:
Fiqh va aqoid (test sinovi) 30 H 3,1 – 93 ball;
Arab tili (og'zaki, ijodiy imtihon) 63 ball;
O'zbekiston tarixi (test sinovi) 30 H 1,1 – 33 ball.
Qabul jarayonlarini yuqori saviyada tashkil etish va qabul imtihonlarini shaffof, ochiq va oshkora o'tkazish maqsadida qabul hay'ati va yordamchi ishchi guruh tuzildi, zarur texnik vositalar bilan jihozlangan maxsus xona ajratildi.
Institutda o'qish istagida bo'lgan abituriyentlar uchun ariza namunasi, “Qabul-2022”ga oid hujjatlar, ma'lumotlar va yangiliklar uchun e'lonlar doskasi hamda qabul hay'ati manzilini ko'rsatuvchi belgilar o'rnatildi.
Qabul imtihonlari qaysi sanada o'tkazish to'g'risida qo'shimcha ma'lumot beriladi.
Murojaat uchun telefon raqamlar:
(71) 240-03-58, (99) 004-55-51
Toshkent islom instituti 2022-2023 o'quv yili qabul hay'ati ish vaqti:
Dushanbadan shanbagacha. Soat: 9:00 – 17:00. Tushlik: 12:30 – 14:00. Yakshanba dam olish kuni.
Toshkent islom institutidagi 2022-2023 o'quv yili qabul jarayonlari bo'yicha ma'lumotlarni quyidagi sahifalar orqali olishingiz mumkin:
Sayt: https://oliymahad.uz
Telegram: https://t.me/oliymahad
Yutub: https://youtube.com/c/oliymahad
Feysbuk: http://facebook.com/oliymahad
Instagram: http://instagram.com/oliymahad
O'zbekiston musulmonlari idorasi tasarrufidagi boshqa islom ta'lim muassasalarining 2022-2023 o'quv yili qabul jarayonlari bo'yicha ma'lumotlarni quyidagi kanali orqali olishingiz mumkin:
Telegram: https://t.me/qabulmuslimuz
Toshkent islom instituti qabul hay'ati manzili: Toshkent shahar, Olmazor tumani, Zarqaynar 18-berk ko'cha, 47-uy.
Imom-xatiblar: «Islom sivilizatsiyasi markazi Uchinchi Renessans g‘oyasining amaliy ifodasi»
O‘zbekistonda Uchinchi Renessans g‘oyasini hayotga tatbiq etish, milliy va diniy merosni chuqur o‘rganish hamda ma’naviy-ma’rifiy bilimlarni kengaytirishga qaratilgan tashabbuslar doirasida Farg‘ona, Qashqadaryo va boshqa hududlardan kelgan imom-xatiblar O‘zbekistondagi Islom sivilizatsiyasi markazida bo‘ldilar. Ular Markazdagi muzey ekspozitsiyalari, noyob qo‘lyozmalar, Renessans davrlariga bag‘ishlangan bo‘limlar va zamonaviy interaktiv yechimlar bilan tanishib, ushbu maskanni ilm, ta’lim va ma’naviyatni uyg‘unlashtirgan muhim milliy platforma sifatida baholadilar, xabar bermoqda iccu.uz.
Farg‘ona viloyati Buvayda tumani «Katta mahalla» masjidi imom-xatibi Rahmatulloh G‘oyibnazarov Prezident Shavkat Mirziyoyev tashabbusi bilan barpo etilgan mazkur Markazni yosh avlod uchun muhim ma’rifat maskani sifatida baholadi.
«Bu yerda Birinchi va Ikkinchi Renessans davrlari, buyuk allomalarimiz qoldirgan ilmiy meros va mamlakatimiz taraqqiyoti haqidagi ekspozitsiyalarni ko‘rib katta taassurot oldik. Bu yerga kelgan har bir inson o‘z tarixini chuqurroq anglaydi, yoshlar esa ilmga va vatanparvarlikka yanada ko‘proq intiladi. Bu yerda olgan bilim va taassurotlarimizni xalqimizga yetkazishni o‘zimizga vazifa deb bilamiz», — dedi u.
Farg‘ona viloyati Qo‘shtepa tumani bosh imom-xatibi, «Muborak» jome masjidi imom-xatibi Otabek Xolmurodov Markaz kutubxonasida ilmiy izlanishlar uchun yaratilgan sharoitlarga e’tibor qaratdi.
Uning ta’kidlashicha, elektron kitoblar fondi, Brayl alifbosidagi adabiyotlar, maxsus tadqiqot xonalari va noyob manbalarning bir joyda jamlangani Markazni nafaqat muzey, balki keng qamrovli ilmiy resurs markaziga aylantirgan.
«Bu kutubxona ilmiy izlanish bilan shug‘ullanuvchilar uchun haqiqiy bilim maskani ekan. Bu yerda yaratilgan sharoitlar ilm ahlini yanada ko‘proq izlanishga undaydi. Biz bu imkoniyatlar haqida yoshlarimizga albatta targ‘ibot olib boramiz», — dedi u.
Farg‘ona viloyati Bag‘dod tumani bosh imom-xatibi Ahmadxon Nizomov esa Markazning ilmiy konsepsiyasiga alohida to‘xtaldi.
Uning fikricha, har bir ekspozitsiya ortida keng ko‘lamli tadqiqotlar va ilmiy izlanishlar mujassam bo‘lib, bu yerdagi interaktiv muhit tashrif buyuruvchilarni faqat tomoshabin emas, balki izlanuvchiga aylantiradi.
«Bu yerga bir marta kelib barchasini to‘liq anglash qiyin. Har bir ekspozitsiya ortida katta ilmiy mehnat mujassam. Ayniqsa, allomalarimiz merosi, tadqiqot markazlari va interaktiv imkoniyatlar insonni yanada chuqur izlanishga chorlaydi. Bu maskan kelajak avlod uchun ulkan ma’naviy boylik va Yangi O‘zbekistonning ilm-fan taraqqiyotiga xizmat qiladigan muhim poydevordir», — dedi u.
Tashrif yakunida ishtirokchilar Markazda jamlangan boy ilmiy va madaniy meros, raqamli ekspozitsiyalar hamda ta’lim imkoniyatlarini keng jamoatchilik, ayniqsa yoshlar o‘rtasida targ‘ib qilish Uchinchi Renessans g‘oyalarini hayotga tatbiq etish, milliy o‘zlikni anglash va ilmiy merosga qiziqishni yanada kuchaytirishga xizmat qilishini qayd etdilar.
O‘zbekiston musulmonlari idorasi Matbuot xizmati
