Bugun, 20 iyun' kuni Makkai mukarramaga haj amallarini ado etish uchun etib kelgan ziyoratchilarimizning dastlabki guruhi “Abroj al-Hidoya” mehmonxonasida tantanali ravishda katta ehtirom va yuksak iltifotlar ila kutib olindi.

Ziyoratchilarimiz muhtasham mehmonxonaga yaqinlashib kelganlarida nashidlar-salavotlar aytildi, shirinliklar ulashilib, muqaddas zam-zam suvlari ila ikrom qilindi.

“Haj – 2022” mavsumi ishchi guruhi a'zolari, shifokorlar va mehmonxona mutasaddilari yurtdoshlarimizga tabassum bilan peshvoz chiqdilar. `

Hashamatli mehmonxonadan joylari tayin bo'lgan ziyoratchilarimiz bu erda mamlakatimizdan ularga xizmat ko'rsatish uchun birmuncha oldinroq etib kelib, katta hozirliklar ko'rib qo'ygan ishchi guruh a'zolari ehtiromi va mohir oshpazlarimiz pishirgan lazzatli taomlari hamda shirinliklaridan bahramand bo'ldilar.

O'zbekiston musulmonlari idorasi Matbuot xizmati