Bugun, 19 iyun' kuni Muftiy Nuriddin domla hazratlari Madina shahrida o'z ibodatlarini boshlayotgan o'zbekistonlik hojilar bilan muloqot qildilar.

Uchrashuvda muftiy hazratlari yurtdoshlarimizdan yaratilgan sharoitlar haqida ularning fikr-mulohazalari bilan qiziqdilar.

Ziyoratchilarimiz sharoitlardan mamnunligini bildirib, ayniqsa, mehmonxonaning Harami sharifga yaqinligi, besh mahal namoz va ziyoratlarni ado etishga qulayligini alohida e'tirof etib, bu ishlarga bosh bo'lgan mutasaddilar haqiga duolar qildilar.

Allohga shukrki, ikki yil sabr ila kutilgandan so'ng dinimizning beshinchi arkoni – Haj ziyoratini ado etish uchun borgan bir guruh hamyurtlarimiz Rasul alayhissalom shahri – Madinai munavvarada amallarini imonu ixlos, cheksiz baxt va shukronalik ila ado etishmoqda.

O'zbekiston musulmonlari idorasi Matbuot xizmati