Sayt test holatida ishlamoqda!
12 Avgust, 2026   |   29 Safar, 1448
search icon
Avvalgi sayt
ЎЗ РУ EN AR

Toshkent shahri
Tong
03:59
Quyosh
05:29
Peshin
12:28
Asr
17:23
Shom
19:31
Xufton
20:58
Bismillah
12 Avgust, 2026, 29 Safar, 1448
Avvalgi sayt
#search
 YouTube

“HAJ – 2022” ishchi guruhiga katta mas'uliyat yuklandi

16.06.2022   3021   2 min.
“HAJ – 2022” ishchi guruhiga katta mas'uliyat yuklandi

Bugun, 16 iyun' kuni O'zbekiston musulmonlari idorasida “Haj – 2022”ning ishchi guruhi, shifokorlar va oshpazlar jamoalari ishtirokida joriy mavsumni har jihatdan namunali o'tkazish yuzasidan vazifalar belgilab olindi.

Allohga shukrki, 2022 yil saodatli yil bo'lib, haj ziyoratiga yo'l ochildi. Hatto, ochilganda ham pandemiyadan avvalgiga qaraganda qariyb 4 ming nafar, 52 foizga ko'paydi. Albatta, bunda davlatimiz rahbarining O'zbekiston aholisiga berilgan imkoniyatlarning samarasi bo'ldi. Bu, shubhasiz, millionlab insonlarning qalbiga xursandchilik olib kirdi.

Yig'ilishda Muftiy Nuriddin domla hazratlari haj qiluvchi kishi Alloh taoloning mehmoni ekani, haj amalini bajarayotgan kishiga ko'mak bergan, uning og'irini engil qilgan inson ulug' savob va darajotlarga noil bo'lishini so'zladilar. Har bir ishchi guruhi a'zosi ana shunday ulug' darajalarni maqsad qilib, Rahmonning mehmonlariga O'zi rozi bo'ladigan darajada sidqidildan xizmat qilishni alohida qayd etdilar. Shuningdek, ishchi guruhi jamoalarining har bir a'zosi mavsum davomida tartibli va xushmuomalali bo'lishini ham alohida ta'kidladilar.

So'zga chiqqan notiqlar ziyoratchilarning ibodatlari mukammal bo'lishi uchun ularga qulay shart-sharoitlarni muhayyo qilish borasida Makka va Madina shaharlaridagi haj ishchi guruhi a'zolari, guruh rahbarlari va shifokorlar belgilangan vazifalarni tartibli va mukammal bajarishlari juda ham zarur ekanini ta'kidladilar.

Avvalo haj safarini ado etish baxtiga muyassar bo'lgan yurtdoshlarimiz muborak zamindagi har bir onlarini mazmunli o'tkazishlari, bu kunlarning har bir soniyasini g'animat bilib, undan foyda olib qolishlari yo'lida bor kuch-g'ayratni sarflashlari darkorligi so'zlandi.

Haqiqatan, yurtimiz hojilari Islomning beshinchi farzini bajarish chog'ida hukumatimizning ko'magini, beqiyos g'amxo'rligini his qilib turadilar. Zotan, taraqqiyotimizning yangi davrida Islom dini arkonlarini ado etish uchun zarur barcha shart-sharoitlar yaratib berilmoqda.

Bularning barchasi davlatimiz rahbarining tashabbusi bilan odamlarni rozi qilish yo'lida olib borilayotgan xayrli ishlar mevasidir. Aholisi rozi yurtga Yaratgan ham ne'matlarini yog'diradi inshaa Alloh.

O'zbekiston musulmonlari idorasi Matbuot xizmati

O'zbekiston yangiliklari
Boshqa maqolalar
Yangiliklar

Banklar va mikromoliya tashkilotlari o‘z faoliyatini islomiy bank faoliyatiga o‘zgartirishi mumkin

11.08.2026   16553   2 min.
Banklar va mikromoliya tashkilotlari o‘z faoliyatini islomiy bank faoliyatiga o‘zgartirishi mumkin

Adliya vazirligi Mikromoliya tashkiloti va bank faoliyatini o‘zgartirish tartibi to‘g‘risidagi nizomga o‘zgartirish va qo‘shimchalarni davlat ro‘yxatidan o‘tkazdi (ro‘yxat raqami 3656-1, 01.08.2026 y.), xabar bermoqda huquqiyaxborot Telegram kanali.

Mazkur idoraviy hujjat "O‘zbekiston Respublikasining ayrim qonun hujjatlariga O‘zbekistonda islomiy bank faoliyatini joriy etishga qaratilgan qo‘shimcha va o‘zgartirishlar kiritish to‘g‘risida" 2026 yil 27 martdagi O‘RQ–1126-son Qonunga muvofiq ayrim kredit tashkilotlari faoliyatini o‘zgartirishning quyidagi tartib-taomillarini belgilaydi:

  • mikromoliya tashkilotini faqat islomiy bank faoliyatini amalga oshiruvchi mikromoliya bankiga o‘zgartirish;
  • faqat islomiy bank faoliyatini amalga oshiruvchi mikromoliya bankini faqat islomiy bank faoliyatini amalga oshiruvchi bankka o‘zgartirish;
  • faqat islomiy bank faoliyatini amalga oshiruvchi bankni faqat islomiy bank faoliyatini amalga oshiruvchi mikromoliya bankiga o‘zgartirish;
  • faqat islomiy bank faoliyatini amalga oshiruvchi mikromoliya bankini mikromoliya tashkilotiga o‘zgartirish;
  • bankni faqat islomiy bank faoliyatini amalga oshiruvchi bankka o‘zgartirish.

Shuningdek, o‘z faoliyatini faqat islomiy bank faoliyatini amalga oshiruvchi bankka o‘zgartirishga faqat islomiy bank faoliyatini amalga oshiruvchi mikromoliya banki haqli.

Mikromoliya bankini davlat ro‘yxatidan o‘tkazish va bank faoliyatiga doir tegishli litsenziya (litsenziyalar) olish uchun nogironligi bo‘lgan shaxslar uchun mikromoliya banki binolarida shaharsozlik normalari va qoidalarida belgilangan talablarga muvofiq qulay shart-sharoitlar yaratilganligi bo‘yicha Qurilish va uy-joy kommunal xo‘jaligi sohasida nazorat qilish inspeksiyasining xulosasi mavjud bo‘lishi kerak.

Tashabbus Fors ko‘rfazi mamlakatlaridan investitsiyalarni jalb qilishga qaratilgan bo‘lib, dastlabki hisob-kitoblarga ko‘ra, ushbu chora-tadbirlarni amalga oshirish iqtisodiyotga depozitlar va to‘g‘ridan to‘g‘ri investitsiyalar ko‘rinishida taxminan 1 milliard dollar jalb qilishi mumkin. Mutaxassislarning prognozlariga ko‘ra, 2035 yilga borib O‘zbekiston ushbu tizim ishga tushirilgandan beri dunyoda islom moliyasining eng tez o‘sishini namoyish etadi.

O‘zbekiston musulmonlari idorasi Matbuot xizmati

O'zbekiston yangiliklari
#logo