Sayt test holatida ishlamoqda!
14 Iyul, 2025   |   19 Muharram, 1447

Toshkent shahri
Tong
03:21
Quyosh
05:02
Peshin
12:34
Asr
17:40
Shom
19:59
Xufton
21:33
Bismillah
14 Iyul, 2025, 19 Muharram, 1447

Qur'on o'quvchilar nimalarni niyat qiladi?

10.06.2022   1588   2 min.
Qur'on o'quvchilar nimalarni niyat qiladi?

Mo'min-musulmonlar Qur'oni karimni ko'pincha faqat savob umidida o'qisha­di. Aslida Qur'oni karim tilovatining foydali jihatlari, manfaatli tomonlari juda ko'p.

Har kim Qur'oni karimni ezgu niyat bilan o'qisa, ulug' fazilat va savoblarga erishadi. Zero, hadisi sharifda: “Amallar niyatlarga ko'radir. Har kim niyatiga yarasha oladi...” deyilgan (Imom Buxoriy rivoyati).

Qur'oni karim hayotimiz dasturi, umrimiz mazmuni, oxiratimiz uchun savoblar manbaidir. Shu nuqtai nazardan Qur'on o'qish arafasida ezgu niyat qilish juda fa­zilatlidir. .

Qur'on o'qish niyatida ushbu tavsiyalarga e'tibor qiling:

1) Qur'onni ilm va amal niyatida o'qing;

2) Qur'onni Allohdan o'zingizni, zurriyotingizni va ahli baytingizni hidoyat etishini niyat qilib o'qing;

3) Qur'onni Alloh taologa munojot niyatida o'qing;

4) Qur'onni zohiriy va botiniy kasallik­larga shifo niyatida o'qing;

5) Qur'onni Alloh taolo zulmatdan nurga chiqarishini niyat qilgan holda o'qing;

6) Qur'onni qotgan qalblarni yumshatuvchi, ko'ngillarga orom beruvchi, vasvasalarga qo'rg'on bo'luvchi ilohiy kalom ekanini niyat qilib o'qing;

7) Qur'onni o'zingiz va oila a'zolaringizdan hasadni bartaraf etish, nazar-nafasdan panoh tilash maqsadida o'qing;

8) Qur'onni g'ofillardan emas, zokirlardan bo'lish niyatida o'qing;

9) Qur'onni imonda sobit, Allohga yaqin bo'lish maqsadida o'qing;

10) Qur'onni Allohning amrlariga qat'iy rioya qilish va bu borada o'rnak bo'lish maqsadida o'qing.

T. NIZOM tayyorladi.

Maqolalar
Boshqa maqolalar
Yangiliklar

“Umra – 2025/2026” mavsumi uchun nimcha va sumka tayyorlash bo‘yicha tanlov e’lon qilinadi

14.07.2025   553   2 min.
“Umra – 2025/2026” mavsumi uchun nimcha va sumka tayyorlash bo‘yicha tanlov e’lon qilinadi

I. Tanlovda qatnashish uchun quyidagi hujjatlar talab etiladi:
 

  1. Tanlovda ishtirok etish bo‘yicha xat;
  2. Korxona guvohnomasi va rahbarining pasport nusxasi;
  3. Bankdan K-2 shaklidagi ma’lumotnoma;
  4. Erkak va ayollar uchun bittadan nimcha namunasi;
  5. Tijorat taklifi;
  6. Korxonaning so‘nggi bir yilda bankdagi pul mablag‘lari aylanmasi haqida ma’lumot;
  7. Bog‘lanish uchun telefon raqam.

 

Amaldagi qonunchilikka muvofiq zarurat bo‘lsa, qo‘shimcha hujjatlar talab etilishi mumkin.

 

II. Mahsulotlar (erkaklar va ayollar nimchasi) uchun qo‘yilgan talablar:

 

  1. Nimcha 50, 52, 54, 56 va 58 o‘lchamlarda tikilishi;
  2. Nimchalarning oldi tugmali bo‘lishi;
  3. Nimchaning orqa tomoni tepasida O‘zbekiston bayrog‘i tushirilgan bo‘lishi;
  4. Nimchaning orqa tomoni (bayroq tepasida) qismida lotin harflarida “UZBEKISTAN” yozuvi bo‘lishi;
  5. Bir dona nimcha og‘irligi 190-220 gramm zichlikda bo‘lishi;
  6. Nimchalar moviy (och ko‘k) rangda bo‘lishi;
  7. Ikki yonida cho‘ntak bo‘lishi;
  8. Old yuqori chap cho‘ntak ustida O‘zbekiston musulmonlari idorasi huzuridagi “Haj” va “Umra” markazining logotipi bo‘lishi.

 

 III. Mahsulotlar (erkaklar va ayollar sumkasi) uchun qo‘yilgan talablar:

  1. Yorqin rangda bo‘lishi;
  2. Sumkaning og‘irligi 250-280 gramm zichlikdagi matodan bo‘lishi;
  3. Yon tomonda suv idish uchun cho‘ntak bo‘lishi;
  4. Oldi tomondan O‘zbekiston bayrog‘i va lotin harflarida “UZBEKISTAN” yozuvi bo‘lishi;
  5. Oldi tomonda shaxsiy ma’lumotlar uchun shaffof cho‘ntak bo‘lishi. 

 

Tanlovda ishtirok etish istagida bo‘lgan korxona va tashkilotlar 2025 yil 1 avgust kuniga qadar yuqoridagi talablar asosida hujjatlarni O‘zbekiston musulmonlari idorasiga taqdim etishlari mumkin.

Manzil: Toshkent shahri, Olmazor tumani, Qorasaroy ko‘chasi, 47-uy. Telefon: 71-240-04-75, 98-140-04-75

O'zbekiston yangiliklari