Sayt test holatida ishlamoqda!
24 May, 2025   |   26 Zulqa`da, 1446
search icon
Avvalgi sayt
ЎЗ РУ EN AR

Toshkent shahri
Tong
03:18
Quyosh
04:57
Peshin
12:25
Asr
17:29
Shom
19:46
Xufton
21:19
Bismillah
24 May, 2025, 26 Zulqa`da, 1446
Avvalgi sayt
#search
 YouTube

Muftiy hazrat xalqaro konferentsiyada muhim takliflarni ilgari surdilar

07.06.2022   5570   2 min.
Muftiy hazrat xalqaro konferentsiyada muhim takliflarni ilgari surdilar

Bugun, 7 iyun' kuni Qohira shahrida boshlangan Islom olamida juda katta ahamiyatga ega bo'lgan anjumanning ochilish marosimida Muftiy Nuriddin domla hazratlari hozirgi kundagi eng muhim masalalarni ilgari surdilar.
Nufuzli tadbir Qur'oni karim tilovati bilan boshlandi. Ochilish marosimida Misr Arab Respublikasi muftiysi Shavqiy Allom kirish so'zi bilan ochib, zamonaviy tahdidlarning oldini olish, xususan, adashgan toifalar g'oyalariga qarshi kurashishda ulamolarning ittifoqligi muhimligiga urg'u qaratdi.

Halqaro konfrentsiyaning ochilish marosimida Muftiy Nuriddin domla hazratlari so'zga chiqib, bugungi davrda g'oyaviy tahdidlarning oldini olish uchun bir qator dolzarb takliflarni olg'a surdilar. Hususan, Ahli sunna val jamoa aqidasini musulmonlar orasida xalqchil tarzda keng tarqatish hamda diniy ilmlarni o'rgatishda mo''tadillik va o'rtalik, “vasatiya”ga alohida ahamiyat berish lozimligi, shu bilan bir qatorda ekstremizmga qarshi kurashishda xalqaro hamkorlikni yanada rivojlantirib, ayniqsa, islomiy markazlar faoliyatini muvofiqlashtirish hamda ularni yagona maqsad sari yo'naltirish zarurligi to'g'risida takliflarni taqdim etdilar.

Mazkur arab tilida qilingan nutq va barcha uchun dolzarb ahamiyatga ega bo'lgan amaliy takliflar anjuman ishtirokchilari tomonidan yuqori baholandi. Ayniqsa, Yirik ulamolar kengashi a'zosi professor, Ali Juma, Bosniya va Gertsogoviniya sobiq muftiysi Shayx Mustafo Ibrohim kabilar alohida e'tirof etdilar.

O'zbekiston musulmonlari idorasi Matbuot xizmati
Muslim.uz
#muftiy #xalqaro_konferentsiya
@muslimuzportal

Boshqa maqolalar

Hajji mabrurning savobi

19.05.2025   3679   1 min.
Hajji mabrurning savobi

Bismillahir Rohmanir Rohiym

Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.

عَنْ عَبْدِ اللهِ رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: تَابِعُوا بَيْنَ الْحَجِّ وَالْعُمْرَةِ، فَإِنَّهُمَا يَنْفِيَانِ الْفَقْرَ وَالذُّنُوبَ كَمَا يَنْفِي الْكِيرُ خَبَثَ الْحَدِيدِ وَالذَّهَبِ وَالْفِضَّةِ، وَلَيْسَ لِلْحَجَّةِ الْمَبْرُورَةِ ثَوَابٌ إِلَّا الْجَنَّةُ. رَوَاهُ النَّسَائِيُّ وَالتِّرْمِذِيُّ وَصَحَّحَهُ.

Abdulloh roziyallohu anhudan rivoyat qilinadi. Nabiy sollallohu alayhi vasallam: «Haj bilan umrani ketma-ket qiling. Albatta, xuddi bosqon temir, tilla va kumushning kirini ketkazganidek, ikkisi faqirlik va gunohlarni ketkazadi. Hajji mabrurning jannatdan boshqa savobi yo‘q», dedilar.

Nasaiy va Termiziy rivoyat qilgan. Termiziy sahih, degan.

Haddodlar (temirchilar) temir va boshqa ma’danlarning zangi va kirini yaxshilab ketkazish uchun bosqonni ketma-ket bosib, bolg‘ani ustma-ust uradilar va maqsadlariga erishadilar. Gunohlarim yuvilsin, faqirlikdan qutulib, boy bo‘lay, degan banda ham hajdan keyin umra qilsa, maqsadiga erishar ekan.

«Hajji mabrurning jannatdan boshqa savobi yo‘q».

Jannatni o‘ziga savob, ya’ni mukofot qilib olishni istagan banda hajji mabrur qilishi lozim ekan. Ya’ni, haj qilganda hayosiz gap-so‘zlardan tiyilib, fisqu fujurlardan xoli bo‘lib, saxiylik va husni xulq ila haj qilmog‘i kerak.

«Hadis va hayot» kitobi 10-juz