Bugun, 3 iyun' kuni “Haj – 2022” mavsumiga tayyorgarlik ko'rish yuzasidan brifing bo'lib o'tdi. Unda haj safari narxi ham ma'lum qilindi.

Brifingda haj safarini tashkil etish jarayonlari, muborak safar narxi, yaqinlashayotgan mavsumda qo'shimcha soliq va majburiy to'lovlar joriy qilingani haqida ma'lumot berildi. Jumladan, kommunal, transport, elektr-energiya va boshqa xizmatlar uchun to'lovlar miqdori 30-40 foiz oshgan. Shuningdek, haj amallarini tashkil etuvchi muassasalarning xizmatlariga 2022 yilda yangi majburiy to'lovlar joriy etilgan.

Qayd etilgan o'zgarishlar natijasida dunyo mamlakatlari uchun haj xizmatlari narxi o'rtacha 40-45 foizga ko'tarilgani
ma'lum bo'ldi.

Shulardan kelib chiqib, 2022 yil Haj mavsumida eng yuqori darajada ko'rsatiladigan barcha xizmatlarni e'tiborga olgan holda hamda Jamoatchilik kengashining qaroriga asosan “Haj-2022” mavsumi uchun 1 nafar fuqaroga 62 900 000 so'm etib belgilandi.

O'zbekiston musulmonlari idorasi Matbuot xizmati
Muslim.uz