To'rt yarim oy ichida Qur'onni to'liq holda qo'lda yozgan misrlik talaba qiz taqdirlandi.
Hojar Abdul Rauf Abdul Halim Al-Azhar islom universiteti talabasi.

Islam.ru xabariga ko'ra, u butun Qur'onni xattotlikda qayta yozgan birinchi qizdir.
Bu talabaning Qur'on bo'yicha navbatdagi yutug'i hisobanadi. Chunki u Qur'onni to'liq yod olgandan so'ng bu ishga astoydil kirishgandi va qisqa vaqtda u orzusini ro'yobga chiqara oldi.

Hojar otasining ko'magi bilan bor-yo'g'i to'rt yarim oy ichida Qur'onni usmonli yozuvida yozishga muvaffaq bo'ldi.
Uning so'zlariga ko'ra, bu ish jamiyatdagi xotin-qizlarga namuna bo'lish uchun qilingan.
Chiroyli ovozda Qur'on tilovat qiladigan Hojar Al-Azhar Islom tadqiqot assambleyasidan ruxsat olib, san'at asarini nashr etmoqchi ekanini aytadi, ta'kidlaydi azon.uz.

Yaqin orada u ruxsat olish uchun Al-Azhar rahbari shayx Ahmad al-Toyib bilan uchrashmoqchi.

O'zbekiston musulmonlari idorasi Matbuot xizmati