20 may kuni bo'lib o'tgan «ShHT mamlakatlari hamkorligining yangi bosqichi: turizm va madaniy meros» forumi doirasida «TURKTAV» jamg'armasi tomonidan O'zbekiston tarixiga oid qo'lyozmalarning asl nushalari «Ipak yo'li» turizm va madaniy meros institutining kutubxonasiga topshirildi.

Mazkur tashabbus Turizm va Madaniy meros vazirligi tomonidan amalga oshirildi.

Turkiya Respublikasi Turkiy tillar tarixi va madaniyati «TURKTAV» jamg'armasi «ShHT mamlakatlari hamkorligining yangi bosqichi: turizm va madaniy meros» xalqaro forumi doirasida o'zbekistonlik tadqiqotchilarga Usmonli imperiyasining tarixiy arxivlarga kirish imkoniyatini taqdim etdilar. Endilikda o'zbek olimlari O'zbekiston Respublikasi tarixiga oid bir qator hujjatlarni tiklashlari mumkin bo'ladi.

Habar qilinishicha, ayni vaqtga qadar Fond tomonidan 55 ming elektron qo'lyozma hujjatlar raqamlashtirilgan.

TII matbuot xizmati