O'zbekiston musulmonlari idorasi raisi Muftiy Nuriddin domla hazratlari Buxorodagi yurtimiz va xorijdagi nufuzli davlat va jamoat tashkilotlari vakillari ishtirokidagi “Deklaratsiyalar muloqoti” forumida qatnashib, nutq so'zladilar.
Muftiy hazratlari nutqlari avvalida nufuzli anjuman qatnashchilarini tashrif bilan qutlab, keyingi yillarda xalqaro hamjamiyat bilan aloqalar tobora mustahkamlanib borayotgani, har bir din o'z izdoshlarini millati, irqi va kelib chiqishidan qat'iy nazar do'stona munosabatda bo'lishga chaqirishi, Islom azaldan o'zga din vakillariga ehtirom ila muomalada bo'lish va samimiy muloqot qilishni o'rgatib, tinch-totuv yashashga da'vat etishini bayon etib, ushbu nufuzli forum ham turli din vakillarining hamjihat bo'lib, yaxshilik yo'lida hamkor bo'lishiga muhim qadam bo'lishini ta'kidladilar.
Nutq davomida Muftiy hazratlari so'nggi yillarda yurtimizda diniy jabhada ham ulkan o'zgarishlar amalga oshirilgani xalqimiz hayotida o'z aksini topib, ko'plab ijobiy natijalarga vasila bo'layotaganini ham qayd etib, so'zlari yakunida xalqaro anjuman faoliyatiga muvaffaqiyat tiladilar.
Safar tafsilotini sayt va ijtimoiy tarmoqdagi sahifalarimizda kuzatib boring!
O'zbekiston musulmonlari idorasi Matbuot xizmati
Mir Arab oliy madrasasi rektori Jobir domla Elov boshchiligidagi delegatsiya Turkiyaga amaliy tashrif bilan bordi.
Safardan ko‘zlangan asosiy maqsad xorijiy diniy ta’lim muassasalari bilan tajriba almashish va o‘zaro hamkorlikni kengaytirishdan iborat.
Tashrif doirasida delegatsiya 1453 yilda tashkil etilgan nufuzli Istanbul universitetiga tashrif buyurdi.
Ushbu uchrashuv 2018 yilda ikki muassasa o‘rtasida imzolangan hamkorlik memorandumining mantiqiy davomi bo‘ldi.
Muzokaralar davomida universitetning Ilohiyot fakulteti faoliyati, o‘quv rejalari va xalqaro ilmiy aloqalar bo‘yicha muhim tajriba almashildi.
Tomonlar ta’lim jarayonlarini zamonaviy talablar asosida takomillashtirish masalalarini muhokama qilib, kelgusidagi istiqbolli rejalarni belgilab oldilar.
Uchrashuv yakunida an’anaviy esdalik sovg‘alari almashildi.
O‘zbekiston musulmonlari idorasi
Buxoro viloyati vakilligi
Matbuot xizmati