Sayt test holatida ishlamoqda!
06 Iyul, 2025   |   11 Muharram, 1447

Toshkent shahri
Tong
03:13
Quyosh
04:56
Peshin
12:33
Asr
17:42
Shom
20:03
Xufton
21:39
Bismillah
06 Iyul, 2025, 11 Muharram, 1447

“Sharq allomalarining Islom tsivilizatsiyasiga qo'shgan hissasi” mavzusidagi xalqaro onlayn anjuman o'tkaziladi

18.05.2022   1277   2 min.
“Sharq allomalarining Islom tsivilizatsiyasiga qo'shgan hissasi” mavzusidagi xalqaro onlayn anjuman o'tkaziladi

Shu yil 19 may kuni Yurtimizda “Sharq allomalarining islom tsivilizatsiyasiga qo'shgan hissasi” mavzusida xalqaro onlayn ilmiy-amaliy anjuman bo'lib o'tadi.

Yurtimiz va xorijdagi nufuzli tashkilotlar bilan hamkorlikda tashkil etilgan xalqaro onlayn anjumanda O'zbekistondan Oliy va o'rta maxsus ta'lim vazirligi, Din ishlari bo'yicha qo'mita, O'zbekiston musulmonlari idorasi hamda Misr Arab Respublikasi, Buyuk Britaniya, Malayziya, Pokiston, Qozog'iston, Frantsiya, Turkiya kabi davlatlardan mahalliy va xorijlik taniqli olimlar, jahonning etakchi ilmiy-tadqiqot muassasalari, sohaga oid ilmiy izlanishlar olib borayotgan tadqiqotchilar, mutaxassislar ishtirok etadi.

Anjumanni o'tkazishdan asosiy maqsad boy ilmiy-tarixiy merosimizni o'rganish va targ'ib qilish sanaladi.

Halqaro onlayn anjumanda ishtirokchilar Sharq allomalari merosida islom ilmlari, Movarounnahrda tabiiy va aniq fanlar rivoji, musulmon olimlarining jahon ilm-fani taraqqiyotiga ta'siri, Sharq allomalari ilmiy merosida bag'rikenglik masalasining yoritilishi yuzasidan amalga oshirilayotgan zamonaviy tadqiqotlar kabi muhim ilmiy masalalar keng muhokama qilindi.

Shu bilan birga, onlayn anjumanda olimlar Islom tsivilizatsiyasining jahon tsivilizatsiyasida tutgan ahamiyati, bunda Sharq allomalarining o'rniga oid o'z fikr-mulohazalarini ham bayon qiladi. Bundan tashqari, Islom tsivilizatsiyasi va Sharq allomalarining hayoti va ilmiy merosini xalqaro jamoatchilikka etkazish masalalari ham ko'rib chiqiladi.

Anjumanda qatnashgan xalqaro ekspertlar, mutaxassis va olimlarning ma'ruzalari hamda boshqa ilmiy natijalar alohida to'plam shaklida nashr etiladi.

Bu kabi tadbirlar Sharq allomalarining jahon ilm-fani va islom tsivilizatsiyasiga qo'shgan hissasini keng jamoatchilikka etkazishda muhim vosita bo'lib xizmat qiladi, inshoalloh.

O'zbekiston musulmonlari idorasi Matbuot xizmati

O'zbekiston yangiliklari
Boshqa maqolalar
Maqolalar

Mo‘tadillik - saodat

04.07.2025   4878   2 min.
Mo‘tadillik - saodat

Islom dini biror shaxs, guruh, mol-dunyoga nisbatan va obro‘-e’tibor topish uchun qilinadigan har qanday mutaassiblik va firqalarga bo‘linishni qoralaydi, tarafkashlikni johiliyat holatiga o‘xshatadi.

Mutaassiblikning turli ko‘rinishlari bor bo‘lib, ular kishining o‘zi, mol-dunyosi, farzandlari, millatini boshqalardan afzal bilib, bu yo‘lda ashaddiy ravishda kurashishi demakdir. Mo‘tabar manbalarimizda ota-bobolari va o‘zining nasabi bilan faxrlanish tuyg‘usi kishini do‘zaxga tortadi deb ta’kidlangan.

Mutaassiblik turlaridan biri bu diniy mutaassiblikdir. Diniy mutaassiblik deganda, ma’lum bir dinda asos bo‘lgan, ushbu din vakillari amal qiladigan ta’limot va qoidalarga qarshi chiqish, diniy tushunchalarni shariat ko‘rsatmalariga zid ravishda o‘zicha talqin qilib, boshqalarni unga ergashishga chorlash nazarda tutiladi. Diniy mutaassiblikning eng katta xatarlaridan biri bu, dinlararo muloqotga rahna solishdir.

Dinda mutaassibona harakat, dinda chuqur ketish, haddan oshish, Qur’on va Sunnatda kelgan ta’limotlarga zid ravishda o‘z fikriga ergashishni qattiq qoralanadi. Dinda haddan oshish deganda shariat belgilab qo‘ygan chegaradan chiqib ketish tushuniladi. Bu ish aqidada bo‘lsin, so‘z yoki amalda bo‘lsin, baribir. Bu borada Alloh taolo Baqara surasida  “Ushbular Allohning chegaralaridir. Bas, ulardan tajovuz qilmang. Va kim Allohning chegaralaridan tajovuz qilsa, bas, o‘shalar, ana o‘shalar, zolimlardir”, deb marhamat qiladi.

Payg‘ambarimiz Muhammad sallallohu alayhi vasallam: “Dinda haddan oshishdan ehtiyot bo‘linglar. Chunki, sizlardan oldin o‘tganlarni dinda haddan oshishlik halok qilgandir” deb uqtirganlar. 

Shunday ekan, bugungi kundagi ko‘plab muammolarning ildizi mutaassiblik va haddan oshish ekanligini hammamiz chuqur anglashimiz lozim. Xulosa o‘rnida, bu kabi muammolarning yechimi sifatida Faqih doktor Vahba Mustafo Zuhayliy janoblarining ushbu so‘zlarini keltirish bilan yakunlaymiz: “Islom mo‘tadil din bo‘lib haqiqatlardan birortasida chetga chiqishga yoki haddan oshishga yo‘l qo‘ymasligini anglatadi. Islomda va boshqa dinlarda dinda haddan oshish ham, e’tiqodda bir taraflama va g‘ayritabiiy bo‘lish ham, haddan tashqari qattiq olish ham, juda bo‘sh qo‘yib yuborish ham yo‘q…”. 

Alloh ta’olo barchamizni haq yo‘ldan adashtirmasin.

Kosonsoy tumani "Sodod" jome masjidi imom-xatibi

Bahodir Mirfayziyev

Manba: @Softalimotlar

MAQOLA