O'zbekiston musulmonlari idorasi jamoasi ko'p yillar diniy-ma'rifiy sohada xizmat qilib kelgan Toshkent viloyati, Bekobod tumani bosh imom-xatibi hamda "Dalvarzin" jome masjidi imom-xatibi Anvarjon domla Risboyevning vafoti munosabati bilan marhumning oila a'zolari va yaqinlariga chuqur ta'ziya izhor etadi.

Alloh taolo marhum domlamizni O'z mag'firatiga olsin, imonlarini salomat qilsin, solih amallarini o'zlariga hamroh etsin. Oxiratlarini obod etib, joylarini Firdavs jannatlaridan qilsin!

Haq taolo marhum domlamizning barcha solih amallarini, dinimizga qilgan xizmatlarini, ilm-ma'rifat, ziyo taratish yo'lidagi sa'y-harakatlarini husni qabul aylab, O'z mag'firatiga olsin, chekkan dardlarini barcha sahvu xatolariga kafforat qilib, rahmatiga chulg'asin, qabrlarini jannat bog'chalaridan qilib, oxiratlarini obod aylasin!

Alloh taolo marhum domlamizning ahli oilasi, farzandu arjumandlari va yaqinlariga chiroyli sabr berib, bu musibatlarini yaxshiliklar ila to'ldirsin.

O'zbekiston musulmonlari idorasi