17-20 may kunlari Qozon shahrida "Qozon – IHT yoshlar poytaxti 2022" turkum tadbirlari doirasida Qur'oni Karim tanlovi o'tkaziladi.

Tadbir tashkilotchilari orasida Tatariston Respublikasi yoshlar ishlari vazirligi va IHT yoshlar forumi, shuningdek, Yoshlar diplomatiyasi akademiyasi, "Selet" Tatariston Respublika yoshlar jamoat fondi va Tatariston Respublikasi musulmonlari diniy idorasi bor.

Ta'kidlanishicha, tanlov musulmon yoshlar o'rtasida Qur'oni Karim amaliyoti va o'rganilishini qo'llab-quvvatlashga qaratilgan bo'lib, musulmonlarni Qur'on o'qish an'anasi bilan tanishtirish, Qur'on hofizlari orasida eng yaxshi qiroatchilarni aniqlash va rag'batlantirish maqsadida o'tkazilmoqda. Tanlov Volga Bulg'ori tomonidan islomni qabul qilganligining 1100 yilligini nishonlash doirasida o'tkaziladi.

Islam-today xabariga ko'ra, bugungi kunda tanlov ishtirokchilari quyidagi mezonlarga javob berishlari kerak:

* IHTga a'zo davlatlar yoki Rossiya Federatsiyasining fuqaroligiga ega bo'lish yoki IHTga a'zo bo'lmagan davlatlarda musulmon jamoasining vakili bo'lish;

• 18 yoshdan 30 yoshgacha bo'lishg;

* belgilangan tillardan birida gapirish: ingliz, arab, rus yoki tatar;

* tajvid (Qur'on tilovati) qoidalariga ega bo'lish va Qur'oni Karimning mohiyati haqida tasavvurga ega bo'lish;

* Qur'oni Karim matnini yoddan bilishini tasdiqlovchi sertifikatga ega bo'lish;

* doimiy yashaydigan mamlakatning diniy idorasi nomidan rasman nomzod qilib ko'rsatilishi.

G'oliblar "Qozon – 2022 yoshlar poytaxti"tashkiliy qo'mitasi tomonidan berilgan sertifikat bilan taqdirlanadi. O'g'il - qizlar o'rtasida 1-o'rin uchun beriladigan mukofot pul mukofotidir. 2 va 3 – o'rin uchun sovrinlar - Apple uskunalari.

O'zbekiston musulmonlari idorasi Matbuot xizmati