Bugun, 8 may kuni  Hotira va qadrlash kuni munosabati bilan O'zbekiston musulmonlari idorasining Namangan viloyat vakilligi tomonidan nuroniylar uchun bayram dasturxoni yozildi.

Bayram dasturxoniga 100 nfardan ortiq shahar-tuman xududida yashovchi front ortida xizmat qilgan nunoniylar va mehnat faxriylaridan vakillar taklif etildilar.

Tadbirni O'zbekiston musulmonlari idorasining Namangan viloyat vakili Abdulhay Tursunov ochdi va olib bordi. U avvalo 9 may – Hotira va qadrlash kuni munosabati bilan  yig'ilganlarni tabriklab, O'zbekiston musulmonlari idorasi raisi, muftiy hazratlarining salomlarini etkazdi.

Tadbirda Namangan viloyati Nuroniylar Kengashi raisi I.Najmiddinov, viloyat hokimligi kotibiyat mudiri M.Abdurazzaqov, Din ishlari bo'yicha qo'mita viloyat boshqarmasi mutaxassislari ishtirok etdilar.

Tadbir yakunida taklif etilgan nuroniylarga viloyat vakilligining esdalik sovg'alari ulashildi. So'ngra ikkinchi jahon urushi shahidlari haqlariga Qur'oni karim tilovat qilinib, ajdodlarimiz ruhi yodga olindi. Barcha ishtirokchilar Muhtaram Yurtboshimiz tomonidan Yangi O'zbekistonda keksa nuroniylarga berilayotgan katta e'tibor va e'zozlar uchun tashakkur izhor etib, yurtimiz tinchligi va farovonligi bundan ham ziyoda bo'lishini so'rab duolar qildilar.

Uchrashuv qatnashchilari tadbir samimiy va ko'tarinki ruhda o'tganligini ta'kidlab duoi xayrlar bilan qaytishdi.

O'zbekiston musulmonlari idorasining

Namangan viloyat vakilligi

Matbuot xizmati