O'zbekiston musulmonlari idorasi raisi, muftiy Nuriddin domla Holiqnazarov va Din ishlari bo'yicha qo'mita raisi Sodiqjon Toshboyev boshchiligidagi O'zbekiston delegatsiyasi a'zolari Makka shahridagi safarlari davomida yurtimiz ziyoratchilariga xizmat qilishi mumkin bo'lgan 5 yulduzli eng zamonaviy mehmonxonlarni ko'zdan kechirdilar.

Muftiy hazratlari mehmonxonalarning har tomonlaman qulay, shinam bo'lishi va mana shunday sharoitlarni hozirlash orqali ziyoratchilarimizning muborak safar davomida faqat rohat bilan ibodat va duo-yu iltijolar qilishlariga katta e'tibor qaratmoqdalar.

Joriy yilda Madinai munavvara va Makkai mukarramada besh yulduzli, barcha qulayliklarga ega bo'lgan zamonaviy mehmonxonalar o'zbekistonlik ziyoratchilar uchun xizmat ko'rsatadi, insho Alloh.

Tashrif asnosida Haj delegatsiyasi yurtimiz hojilariga taom va ichimliklar taqdim etish borasida xizmat ko'rsatishi mumkin bo'lgan mutasaddi vakillar bilan uchrashib, oshxonalarni saralash maqsadida ularning faoliyati bilan yaqindan tanishdilar. Hususan, ulardagi shart-sharoit, oziq-ovqat mahsulotlarining sifati, pokizaligi, taom pishiradigan zamonaviy qozon va oshxona anjomlari ko'zdan kechirildi.

Safar jarayonlari va erishilgan natijalarini sayt va ijtimoiy tarmoqlarda kuzatib boring.

O'zbekiston musulmonlari idorasi Matbuot xizmati