Madinai munavvara safari davomida O'zbekiston musulmonlari idorasi raisi, muftiy Nuriddin domla hazratlari va Din ishlari bo'yicha qo'mita raisi Sodiqjon Toshboyev boshchiligidagi O'zbekiston delegatsiyasi “Pullman Zamzam” mehmonxonalar tarmog'i Bosh direktori Shayx Ali Ahmad al-Baytiy bilan uchrashuv o'tkazdilar.

Muloqot davomida O'zbekiston tomoni yurtimiz ziyoratchilari uchun Madinai shahrida besh yulduzli va barcha qulayliklarga ega bo'lgan zamonaviy mehmonxonalar xizmati ko'rsatish saviyasini saqlagan holda yaqinlashayotgan Haj mavsumida ham narxni oshirmaslik masalasiga alohida urg'u qaratdilar.

Shuningdek, uchrashuv davomida tomonlar o'zlarining shart va talablarini bayon etdilar.
Shayx Ali Ahmad al-Baytiy mehmonxonalardagi qulaylik va sharoitlar haqida so'zlab, Imom Buxoriy zaminidan kelgan ziyoratchilarga xizmat ko'rsatish katta baxt va yuksak sharaf ekanini izhor etdi.

Eslatimiz o'tamiz, Haj delegatsiyasi Madina shahridagi haj ziyoratchilariga xizmat qilishi mumkin bo'lgan eng zamonaviy mehmonxonlarni ko'zdan kechirgani va Rasul alayhissalom shahrida o'z ibodatlarini ado etayotgan o'zbekistonlik umrachilar bilan ibodatu ziyoratlar va yaratilgan sharoitlar borasida yaqindan muloqot qilgani haqida xabar bergan edik.

Safar jarayonlari va erishilgan natijalarini sayt va ijtimoiy tarmoqlarda kuzatib boring.

O'zbekiston musulmonlari idorasi Matbuot xizmati
Muslim.uz
@muslimuzportal | @mp3muslim | @diniysavollar