Sayt test holatida ishlamoqda!
07 Yanvar, 2026   |   18 Rajab, 1447

Toshkent shahri
Tong
06:24
Quyosh
07:49
Peshin
12:34
Asr
15:29
Shom
17:14
Xufton
18:32
Bismillah
07 Yanvar, 2026, 18 Rajab, 1447

Tailand va Malayziya hamkorlikda halol sanoatni rivojlantirmoqda

18.12.2023   2255   1 min.
Tailand va Malayziya hamkorlikda halol sanoatni rivojlantirmoqda

Tailand hukumati Tailand va Malayziya o'rtasidagi musulmonlar ko'p bo'lgan chegara viloyatlarida halol sanoatni rivojlantirish orqali Yaqin Sharqdagi mamlakatlarga halol mahsulotlar eksport qilishga intiladi.

Oziq-ovqat mahsulotlariga, xususan, halol mahsulotlarga global talab ortib borayotgani munosabati bilan Tailand hukumati mazkur yo'nalishdagi faoliyatni yanada rivojlantirishga harakat qilmoqda.

Bugungi kunga qadar Tailandda halol mahsulotlar eksporti 20 foizni tashkil etadi. Mamlakat 2021-2022 yillarda halol mahsulotlar eksportidan 6 milliard dollar daromad olgan.

Shu maqsadda Tailandning Hat Yay shahrida Malayziya va Tailanddan halol mahsulotlar ishlab chiqaruvchi kompaniyalar ishtirokida halol mahsulotlar ko'rgazmasi bo'lib o'tdi. Ikki mamalakat mutasaddilari fikriga ko'ra, ushbu ko'rgazma Malayziya va Tailandda iqtisodiy rivojlanishni kengaytirishga yordam beradi.

Qayd etish joizki, halol mahsulotlar nafaqat oziq-ovqatni, balki moda, kiyim-kechak, farmatsevtika mahsulotlari va turizmni ham o'z ichiga oladi.

O'zbekiston musulmonlari idorasi
Matbuot xizmati

Dunyo yangiliklari
Boshqa maqolalar
Maqolalar

Otam – davlatim!

07.01.2026   1383   1 min.
Otam – davlatim!

Otalarni bekorga “davlatim” demaymiz. Ular bor ekan, hayotda o‘z o‘rnimizni topamiz. Otalar biz yaxshi o‘qishimiz uchun qo‘llaridan nima kelsa, qiladi. O‘z oyoq kiyimlari yirtilib qolsa yamab kiyar, lekin bizga yangisini olib beradi. Ishlari yurishmay sal pul topishlari kamayib qolsa, siqiladi, lekin buni bizga bildirmaydi.

Bolaligimizda-chi! Biz yosh bola bo‘lib, “uni olib bering, buni olib bering”, desak, ko‘nglimizga qarashadi. Tirnoqlarimiz, sochlarimizni olib qo‘yadilar.

Halqimizda “Ota rozi – Xudo rozi”, degan maqol bor. Hayot bo‘lgan otalarimizni qadrlaylik, o‘tib ketgan bo‘lsalar, Alloh rahmat qilsin. Bir gap – ular hatto o‘tgan bo‘lsalar ham bizning davlatlarimiz ekan.  

Ey umrim javhari, davlatim otam,

Dillari quyoshdir, mehribon otam,

Sizga izdoshdirman to umrim qadar,

Boshimda doimiy soyabon otam.

 

Bu dunyo sinovli yolg‘onchi go‘yo,

O‘tgaydur umrlar misoli daryo,

Do‘st degan ulfatim bo‘lsa-da ammo,

Bo‘lolmas siz kabi qadrdon, otam.

 

Akbarshoh RASULOV

Ibratli hikoyalar