Qirg'izistonda musulmonlar uchun muqaddas Ramazon oyiga bag'ishlangan diniy va ommaviy tadbirlar katta ishtiyoq bilan o'tkazilmoqda. Ramazonga xos ma'naviy muhitni saqlab qolish maqsadida bu yil mo'min-musulmonlarga keng ko'lamli iftorlar tashkil etilmoqda.

Iftorlar mahalliy va xorijiy xayriyachilar tomonidan tashkil etiladi. Bishkek markaziy masjidi hovlisida vaqt o'tkazayotgan yoshlar iftorga kelgan mehmonlarni kutib olishadi va kechki ovqat paytida keksalarga yordam berishadi.

Uyushmalar kambag'allar uchun iftorlar tashkil qiladi. Yosh ko'ngillilar madrasaning muhtoj tarbiyalanuvchilariga oziq-ovqat tarqatishni tashkil etishadi.

Islam.ru xabar berishicha, Bishkek masjidlarida tarovih namozini mo'minlar Qur'on hofizlari ishtirokida o'qishadi.
Bishkek markaziy masjidi imomi Abdiqodir Surano'g'li Anadolu agentligiga bergan interv'yusida musulmonlar uchun muqaddas Ramazon oyi katta ishtiyoq bilan o'tkazilayotganini aytdi. "Bizning masjidimiz har kuni 1000 kishiga iftorlar tashkil qiladi", - deydi imom.
"Tarovih namozlari umuman Bishkekdagi 71 masjidda o'qiladi", - ta'kidladi Surano'g'li.

O'zbekiston musulmonlari idorasi matbuot xizmati