Saudiya Arabistoni yakshanba kuni Jibutida Qirol Salmonning iftor dasturini boshladi va odamlarga muqaddas Ramazon oyida ro'za tutishga yordam berish uchun oziq-ovqat tarqatdi.
Islam.ru xabariga ko'ra, Saudiya Arabistoni va Jibutining bir necha rasmiylari dasturning ishga tushirilishida ishtirok etdi.
Somalida vazirlik har ikki davlat vakillari ishtirokida iftorlik dasturini ham boshlab yubordi. Dastur Qirollikning xayriya va gumanitar faoliyati doirasida, ayniqsa Ramazon oyida oziq-ovqat savatlarini tarqatishga qaratilgan.
Saudiya Arabistoni bu yil 34 mamlakatda 2 aprel' kuni boshlangan muqaddas oy davomida 1,2 millionga yaqin kishini iftorlik bilan ta'minlash bo'yicha loyihalarni boshladi. Shuningdek, Markaz Nigerning turli shaharlarida 454 ta oziq-ovqat savatlarini tarqatdi, ulardan 2270 kishi foydalangan.
Ushbu yordam 19 mamlakatlarda Ramazon oyida 8 430 tonna og'irlikdagi 156 993 ta oziq-ovqat savatlarini 901 463 nafar kishiga tarqatishni maqsad qilgan Eta'am tashabbusining bir qismidir.

O'zbekiston musulmonlari idorasi matbuot xizmati