Bepushtlikni davolashda ro'zaning foydalari
Mutaxassislarning ta'kidlashicha, ayollarda prolaktin garmoniortib ketishi tufayli kelib chiqadigan bepushtlikni davolashda ro'zaning o'rni beqiyos. Chunki ayol ro'za tutganda mazkur garmon me'yoriga kelib, undagi tabiiy holat tiklanadi va bepushtlik yo'qoladi.
Ulamolar va tibbiyot mutaxasislari birgalikda ilmiy tadqiqot olib borib, ro'za yigitlarning jinsiy rag'batiga ta'sirini o'rganib, uikki bosqichda o'tishini aniqlashdi:
Birinchisi, erkak kishi ro'za tutgan kunlari va undan keyin qisqa muddat(uch kun) davomida jinsiy rag'bati susayadi. Bunga Nabiy sollallohu alayhi vasallam uylanishga imkoni yo'q bo'lib, shahvatini tiya olmaydigan yigitlarga aytgan hadislarida ta'kidlaganlar. Hadisi sharifda: “Ey yigitlar jamoasi, sizlardan kim nikohga qodir bo'lsa, u uylansin. Albatta, u(uylanish) ko'zni tiyuvchiroq va farjni saqlovchiroqdir. Uylanishga ham imkoni bo'lmasa, ro'za tutsin. Ro'za uning uchun bichilishdir”deyilgan (Imom Muslim rivoyati).
Demak, ro'za tutish kishining shahvatini boshqarib,jinsiy maylini tartibga keltiradi.
Ikkinchisi, bir necha kun ro'za tutgandan keyin erkak kishining jinsiy quvvati ro'zani boshlashidan avvalgi holatiga qaraganda bir necha barobar ortadi. Ramazon ro'zasini tutish asnosida, insonning immunitet tizimi kuchayadi, bo'g'imlarda uchraydigan yallig'lanishlar tuzaladi, oshqozon yarasini hosil qiluvchi ortiqcha kislotalar yig'ilishi bartaraf bo'ladi.
Davron NURMUHAMMAD
Iordaniya OAV: Toshkentda Islom sivilizatsiyasiga bag‘ishlangan xalqaro mediaforum o‘tkaziladi
Iordaniyaning nufuzli “Jordan News Agency” (Petra) axborot agentligi hamda “Hala Ahbar” nashrida 24–29 avgust kunlari Toshkent shahrida bo‘lib o‘tadigan “Islom sivilizatsiyasi: yangi nigoh va kashfiyotlar” mavzusidagi xalqaro mediaforumga bag‘ishlangan maqolalar e’lon qilindi, deb xabar bermoqda “Dunyo” AA.
Agentlikda yozilishicha, mazkur yirik xalqaro tadbir O‘zbekistonning jahon media hamjamiyati bilan aloqalarini yanada kengaytirish, jurnalistlar va soha mutaxassislari o‘rtasida tajriba almashishni rivojlantirishi bilan ahamiyatlidir.
Shu bilan birga, forum davomida islom sivilizatsiyasining boy ilmiy-ma’rifiy va madaniy merosini zamonaviy media vositalari orqali keng targ‘ib etishga alohida e’tibor qaratiladi.
Forumning asosiy tadbirlari O‘zbekistondagi Islom sivilizatsiyasi markazida o‘tkaziladi. Unda xorijiy ommaviy axborot vositalari vakillari, xalqaro ekspertlar hamda media sohasi mutaxassislari ishtirok etadi.
Nashrlar forum dasturining mazmun-mohiyatiga alohida e’tibor qaratgan. Xususan, tadbir doirasida yalpi majlislar, ixtisoslashtirilgan media-ko‘rgazmalar, matbuot brifinglari va ikki tomonlama uchrashuvlar tashkil etiladi.
Munozaralarda hujjatli filmlar yaratish, tarixiy xotirani asrash va yoritish, nashriyot loyihalarini rivojlantirish, zamonaviy texnologiyalardan media sohasida samarali foydalanish hamda xalqaro media loyihalarni amalga oshirish istiqbollari muhokama qilinadi.
Nashrning qayd etishicha, tadbirning muhim jihatlaridan biri – O‘zbekistonlik talabalar uchun xalqaro media sohasining tajribali mutaxassislari ishtirokida amaliy master-klasslar o‘tkazilishidir. Bu mashg‘ulotlar zamonaviy jurnalistika, mediamahsulotlar yaratish va xalqaro axborot makonida samarali faoliyat yuritish bo‘yicha bilim va ko‘nikmalarni oshirishga xizmat qiladi.
Iordaniya OAVda forum doirasida ishtirokchilar uchun Samarqand shahriga safar ham rejalashtirilgani qayd etilgan. Xorijiy jurnalistlar Imom Buxoriy majmuasini ziyorat qilib, Samarqandning boy tarixiy-madaniy merosi bilan tanishadilar. Toshkent shahrida esa xalqaro OAV vakillari uchun maxsus mediatur tashkil etiladi.
Bunday safarlar forum ishtirokchilariga O‘zbekistonning nafaqat zamonaviy taraqqiyoti, balki uning jahon sivilizatsiyasi tarixidagi o‘rni, ilmiy-ma’rifiy an’analari va boy madaniy merosi haqida bevosita tasavvur hosil qilish imkonini beradi.
Maqolalarda xalqaro mediaforumning 28 avgust kuni yakuniy yalpi majlis va rasmiy yopilish marosimi bilan yakunlanishi ham ma’lum qilingan. Xorijiy mehmonlar O‘zbekiston Respublikasi davlat mustaqilligining 35 yilligiga bag‘ishlangan tadbirlarda ham ishtirok etadi.
O‘zbekiston musulmonlar idorasi Matbuot xizmati
