O'tgan yakshanba kuni Ramazon oyiga tayyorgarlik ko'rish maqsadida Makka shahridagi Ka'ba matolarini tozalash ishlari boshlandi.
Ka'bapo'shga texnik xizmat ko'rsatish bo'yicha direktor Fahd al-Jobiriyning aytishicha, ta'mirlash ishlari Ka'baning kamarini va matoning chetlarini mustahkamlashdan iborat.
Ka'baning kamari erdan 9 metr balandlikda osilgan bo'lib, uning qora ipak matosiga Qur'oni karim oyatlari zarhal kumush iplar bilan naqshlangan.

Al-Jobiriyning ta'kidlashicha, ka'bapo'sh har kuni tekshiriladi va mutaxassislar jamoasi tomonidan vaqti-vaqti bilan texnik xizmat ko'rsatilishi kerak, ularning ko'pchiligi bu ish bilan 20 yildan ortiq muddatdan beri shug'ullanib keladi.

                                                                        O'MI Halqaro aloqalar bo'limi