Shayx Mahir al-Muayqiliy 1969 yil 7 yanvarda Madina shahrida tug'ilgan. U arablarning Yanbu urug'iga mansub bo'lib, uning onasi Pokiston muhojirlaridan bo'lgan.

Shayx Muayqiliy talabalik davrida matematika fanining ishqibozi bo'ldi va tez orada shu sohada oliy ta'limni tugatib, matematika fanidan dars bera boshladi. Matematikadan dars berish bilan birga u Makka shahriga boradi va u erda o'zining etuk qorilik martabasiga erishish borasidagi intilishini boshlaydi.

Shuningdek, u Makka va Madina shaharlaridagi turli xil masjidlarda imom bo'lib ishladi.   Ramazon oyi taroveh ibodatlarida unga ergashadigan va uning tilovatlarini tinglashni xohlaydigan insonlar ko'payib borardi.

Tez orada u Madina shahrida juda mashhur bo'lib ketdi va Makka shahrida shahzoda Abdulmajidga maslahatchi lavozimiga tayinlandi.

Shundan keyin u tezda o'zining avvalgi kasbini tashlab, Makka shahrida Podshoh Abdulloh As-Saud universitetida dars berishni boshlaydi.

Keyin u 2005-2006 (hijriy 1426-1427) yillarda Madina shahridagi “Masjid an-Nabaviy” da imom-xatib lavozimida faoliyat ko'rsatdi.

 1427 hijriy -2006 yilgi Ramazon oyidan keyin uning betakror ovozi Makka va Madina shaharlarida juda mashhur bo'lib ketdi. Ayni paytda u eng katta ishlarni amalga oshirishni boshladi.

 Keyinroq esa Makkadagi “Ummul Qurro'” universitetida ilmiy ishini boshladi va shu erda 2012 yilda o'zining doktorlik ishini yakunladi. 2007 yilda (h.1428) Mahir al-Muayqiliy Madinadagi “Masjid an-Nabaviy” da imom etib tayinlandi. Shundan so'ng u tez orada Makkadagi “Masjidul Harom”ning ham imom-xatibi etib tayinlandi.

Shayx Muayqiliy taroveh namozlarida shayx Abdurrohman as-Sudays bilan birga (2008 yilgacha), keyinroq shayx Abdulloh al-Juhaniy (2014 yilgacha) bilan birga imomlik qildi.

2016 yildagi Ramazon tarovehida shayx Holid al-G'omidiy va Shayx al-Juhaniy bilan yonma-yon namozlarda imomlikka o'tdi.

Shayx Mahir al-Muayqiliy 2016 yilning 15 iyulida Makkadagi “Masjidul Harom” da ilk juma xutbasini o'qidi.

2016 yil (h.1437) yilga kelib u Podshoh Salmon ibn Abdulaziz buyrug'iga binoan podshohlikka tegishli bo'lgan “Masjidul Harom”ning etakchi imomlaridan etib tayinlandi.

Shayx Mahir al-Muayqiliy oilali, uning 4 nafar farzandi bor.

Internet materiallari asosida Halqaro

aloqalar bo'limi xodimi I.Ahmedov tayyorladi.