Shanba kuni Indoneziya hukumati yangi halol sertifikatlash belgisini taqdim etdi. Endilikda Indoneziyaning Ulamolar kengashi yoki MUIning hozirgi halol logotipi davlat tomonidan bekor qilindi.
"MUIdan halol sertifikat belgisi yaqin kelajakda haqiqiy emas deb e'lon qilinadi," – deb yozdi o'zining Instagram sahifasida Diniy ishlar bo'yicha vazir Yakut Cholil Kumas. "Halol sertifikatlash, qonunda aytilganidek, jamoat tashkiloti tomonidan emas, balki hukumat tomonidan tashkil etiladi", - dedi u.
Yangi logotipning kiritilishi, o'tish paytidagi eng muhim qadamdir, chunki iste'molchilar va ishlab chiqaruvchilar yaqinda mamlakatda halol rejimning o'zgarishini sezadilar, deb yozmoqda islam.ru.
BPJPH raisi Muhammad Oqil Irhamning aytishicha, yangi logotip 1 martdan kuchga kirgan.

O'zbekiston musulmonlari idorasi matbuot xizmati