Hashaviy avlodlari
Kimda kim Alloh taolo haqida «O'z zoti bilan Arshga qaror topdi», «O'z zoti bilan Arshdan tushadi», «Rasululloh sollallohu alayhi vasallam U bilan birga Uning yonida Arshga o'tiradi», «O'z zotida qoim topgan kalomi sovt-ovozdir», «Uning tushishi harakat, ko'chish va zoti bilan bo'ladi», «Uning Arshni ko'tarib turuvchi farishtalarga og'irlik keltiradigan og'irligi bor», «Osmonda yoki Arshda o'rin olgan», «Uning bir tomoni, chegarasi va makoni bor», «Unda hodisalar qoim topadi», «U Arshga yoki maxluqotlaridan biriga tegib turadi» va shu kabi sharmandali so'zlarni aytadigan bo'lsa, uning yo'ldan ozganligi, millatdan chiqqanligi va Alloh subhanahu va taolo haqida (ishlatilishi) joiz narsalardan uzoqda ekanligida shubha qilmaymiz. Bu shu qadar ochiq-oydin narsaki, bunday sharmandali narsalarni salafiylik da'vosi bilan berkitishning iloji yo'q. Yuqoridagi so'zlarni dindan deb biladigan kishilarning e'tiqodlarini rad etamiz, ularning orzularini chippakka chiqaramiz va ularga hashaviylarning avlodi ekanliklarini eslatamiz.
«As-Sayfus soqiyl» kitobidan 21-B, Shayx Muhammad Zohid Kavsariy rohimahulloh tahqiqlaridan
«Asrlarni zabt etgan asar» xatmonasi bo‘lib o‘tdi
Toshkent islom institutida diniy ta’limning samarali usullaridan biri bo‘lgan «xatmul kutub» (kitoblarni to‘liq o‘qib tugatish) an’anasi izchil davom etmoqda.
Ana shunday ilmiy-ma’rifiy tadbirlardan biri – alloma Nuriddin Abdurahmon Jomiyning «Asrlarni zabt etgan asar» («Sharhi Mullo») kitobi xatmiga bag‘ishlandi.
Institut tashabbusi bilan O‘zbekistondagi Islom sivilizatsiyasi markazi kutubxonasida tashkil etilgan tadbirda so‘zga chiqqan ulamolar, soha mutaxassislari ustoz va talabalarning ilm yo‘lidagi g‘ayrati hamda sabr-matonatini yuqori baholadilar.
Arab tili grammatikasiga oid ushbu mashhur asar «Tillar» kafedrasi mudiri Ulug‘bek domla Hasanov, o‘qituvchilar Yoqubjon domla Buxorbayev va Abdulbosit domla Nurillayev rahbarligida 2-kurs talabalari ikki yil davomida dars va to‘garaklarda o‘qib, to‘liq xatm qilishdi.
Tadbir davomida talabalar tomonidan tayyorlangan sahna ko‘rinishi namoyish etildi. Shundan so‘ng ustoz va shogirdlar ishtirokida kitobning yakuniy qismi o‘qib tugatildi.
Marosim so‘ngida kitobni muvaffaqiyatli xatm qilgan 55 nafar talabaga «Sharhi Mullo» kitobi bo‘yicha ijozat shahodatnomalari, tashakkurnoma va esdalik sovg‘alari topshirildi.
O‘zbekiston musulmonlari idorasi Matbuot xizmati
