Islom san'ati o'zining noyob, go'zal va nafis o'simlik, geometrik va hattotlik naqshlari bilan butun dunyoga mashhur. U arxitektura, hattotlik, rangtasvir, shisha, kulolchilik va to'qimachilik kabi san'at turlarining keng doirasini qamrab oladi. Uning rivojlanishini asrlar davomida kuzatish va masjidlar va saroylarning bezaklarida topish mumkin.

Yaqinda Jidda shahrida Islom san'ati tarixiga oid uyi muzeyi ish boshladi. Unda turli mamlakatlardan mingdan ortiq qimmatbaho tarixiy eksponatlar mavjud bo'lib, ular turli davrlardagi islom san'atining rang-barangligini aks ettiradi.

Muzey saudiyalik tadbirkor Solih bin Hamza Serafiy tomonidan asos solingan. Uning so'zlariga ko'ra, yangi muzey axborot va ilmiy tadqiqotlar markazi, shuningdek, dunyoning turli burchaklaridan tashrif buyuruvchilarni o'ziga tortadigan muloqot va madaniy almashuv mayoqchasi bo'lishi ko'zda tutilgan.

Uy muzeyining Islom valyutasiga bag'ishlangan ko'rgazma zalida 500 ga yaqin tangalar xronologik tartibda joylashtirilgan. Ular Umaviylar va Abbosiylar xalifaliklaridan hozirgi Saudiya Arabistonigacha bo'lgan davrga to'g'ri keladi. Sosoniylar va Vizantiya imperiyalarining tangalarilan to Muhammad payg'ambar sallolohu alayhi va sallam davrida ishlatilganlarigacha mavjud.

Qo'lyozmalar zalida arab hattotligining o'ndan ortiq turlarini ifodalovchi ko'plab ekstravagant va boy bezatilgan kitoblar taqdim etilgan. Unda islom olamining eng mashhur hattotlaridan biri Ismoil Az-Zuhriy tomonidan yaratilgan, taxminan 300 yillik, Usmonlilar davriga oid Qur'onning nodir nusxasi ham namoyish etilmoqda.