Muftiy Nuriddin domla hazratlari: Hato-nuqsonlarimiz dinga bog'liq emas, nafsimizga oiddir, Islom mukammal din!
O'zbekiston musulmonlari idorasi raisi, muftiy Nuriddin domla hazratlari Toshkent shahri «Oltintepa» jome masjidida shu yil 4 fevral' kuni bo'lib o'tgan juma suhbatida insonlarning kamchiligini dinga bog'lamaslik haqida shunday dedilar.
“Islom dini Alloh tomonidan har bir inson dunyo va oxiratda saodatli bo'lishi uchun yuborilgan katta ne'mat. Din bekamu ko'st, benuqson bo'ladi. Biror kim o'ylab topgan yoki ijod qilib yozgan emas. Holiqimiz, Robbimiz tomonidan bizga in'om qilingan. Bu din johiliyat davridan saodat zamoniga o'tkazish uchun yuborilgandir.
Agar qayerdadir, kimlardir bu borada kamchilikka yo'l qo'yayotgan bo'lsa, bu shaxslarning kamchiligi, dinniki emas. Hato qilgan bo'lsak, noo'rin gapirib qo'ygan bo'lsak, yanglish fatvo bergan bo'lsak, Alloh bizni kechirsin. Lekin shu kunlarda ijtimoiy tarmoqlarda musulmon birodarlarimiz xatosini ko'tarib chiqib, butun islom ummatining xatosiga yo'yish holatlari qalbimizga ozor bermoqda.
Shuni bilish muhimki, qayerlardadir kamchilik bo'lsa, bu dinning kamchiligi emas. Dinimiz benuqson, bexatodir. Faqat buni o'rganib, ta'limotini tushunib, to'g'ri talqin qilishimiz kerak, xolos”, – dedilar muftiy hazratlari.
O'zbekiston musulmonlari idorasi Matbuot xizmati
Namozda qo‘lni bog‘lash
Hanafiy mazhabimizga ko‘ra, takbiri tahrima bilan namozga kirishda o‘ng qo‘lni chap qo‘l ustiga qo‘yib, qo‘llarini bog‘laydi va kindik ostiga qo‘yadi. Bu amalni ulamolarimiz sunnat deganlar.
Alqama ibn Voil otalari Voil ibn Hujrdan rivoyat qiladi: “Nabiy sallallohu alayhi vasallam namozda o‘ng qo‘llarini chap qo‘llari ustiga qo‘yib, kindik ostiga qo‘yganlarini ko‘rdim”.
Abu Juhayfa roziyallohu anhudan rivoyat qilinadi, Ali roziyallohu anhu aytadilar: “Namozda qo‘lni qo‘lning ustiga qo‘yib, kindik ostiga qo‘yish – sunnatdir” (Imom Abu Dovud rivoyati).
@AhliSunnaValJamoaUz
