"Forbes" 2022 yilda sayohat uchun eng yaxshi 50 yo'nalish ro'yxatiga O'zbekistonni ham kiritdi

"O'zbekistonning ajoyib infratuzilmasi sizga mamlakat poytaxti Toshkentdan Samarqand, Buxoro va Hivaga – Buyuk Ipak yo'lidagi to'xtash joylariga – bemalol sayohat qilishingizga imkon beradi. Shaharlar tezyurar poyezdlar bilan yaxshi bog'langan",-deydi nashr xabarda.

Darakchi.uz xabariga ko'ra, unda Hivadagi Ichan qal'a birinchi bo'lib madaniy obidalar ro'yxatiga kiritilgani ham ta'kidlab o'tilgan.

"Shu jumladan, sayohat davomida Buxoroning ko'plab bezakli qadimiy madrasalarini(maktablarini) o'tkazib yubormang, Buxoro Arkiga guvoh bo'ling va savdo gumbazlaridan esdalik sovg'alari xarid qilishni unutmang",-deyiladi.

Nashr Samarqandning nafis Registonini ham unutmagan. Maydon kishini hayratga solishini ta'kidlagan.

Taomlarga ham to'xtalib o'tilib, Toshkentda qo'zichoq go'shti va maydalangan sabzi qo'shilgan, mamlakatning an'anaviy taomi bo'lgan palovni iste'mol qiling, deya tavsiyalar berib o'tilgan.

O'zbekiston musulmonlari idorasi matbuot xizmati